Ӧксыяслӧн 4 небӧг 25:4 - Коми Библия 2023

⁴ карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд пышйис Йӧрдан ковтыслань.

Ӧксыяслӧн 4 небӧг 25:4 Referans Kwoze

Езекиль 33:21

Миянӧс пленӧ нуӧдӧмсянь дас кыкӧд вонас дасӧд тӧлысьлӧн витӧд лунӧ локтіс ме дінӧ морт, коді вӧлі пышйӧма Ерусалимысь. Сійӧ шуис, карыд пӧ киссис.

Езекиль 12:12

Накӧд тшӧтш юралысьныс босьтас нопсӧ пельпом вылас да петас карсьыс рытъя пемыднас. Карса стенмас сылы вӧчасны петан розь. Сійӧ тупкас чужӧмсӧ, медым оз аддзы мусӧ.

Еремей 5:10

– Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Неемий 3:15

Дзульк дзиръя дзоньталіс Кол-Хозелӧн Шаллун пиыс, Миспа гӧгӧр муӧн веськӧдлысь. Сійӧ вӧчис дзиръясӧ, дзиръялы лэптіс лэбув, сувтӧдіс ӧдзӧсъяс да пуктіс сэтчӧ иган-тасъяс. Нӧшта сійӧ лэптіс стенсӧ Шелах вайӧртӧд дорын, ӧксылӧн сад йӧр дорті Давид карысь лэччан поскӧдз.

Ӧксыяслӧн 4 небӧг 25:5

Но калдеяса тышкайӧз вӧтчисны ӧксы бӧрся да суӧдісны сійӧс Ерикон кардорса ковтысын. Ӧксылӧн тышкайӧзыс эновтісны сійӧс да пышйисны-разалісны.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Левит 26:36

Тіян пӧвстысь ловйӧн кольӧмаяс кутасны овны вӧрӧглӧн муын. Сэні Ме тіян сьӧлӧмӧ пукта полӧм. Коръяслӧн кышакылӧмысь ті пышъянныд шыпуртысь моз да усянныд, кӧть вӧтӧдысьыс оз ло.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

Исай 22:11

Кык стен костӧ ті вӧчинныд ва видзанін, медым чукӧртны сэтчӧ важ йӧртӧдысь васӧ. Но ті энӧ кыпӧдӧй синнытӧ Сы вылӧ, коді вӧчӧ тайӧс, энӧ видзӧдӧй Сы вылӧ, коді водзысяньыс вӧлі мӧвпыштӧма та йылысь.

Еремей 4:17

Воӧм нянь видзысьяс моз найӧ кытшалісны Ерусалим кар, ӧд сэні олысьяс кыпӧдчисны Меным паныд, – висьталӧ Господь. –

Еремей 4:29

Верзьӧмаяслӧн да ньӧвйӧн лыйсьысьяслӧн горзӧмысь каръясысь пышъясны олысьяс. Найӧ дзебсясны сук вӧрӧ, мунасны изкыртаясӧ. Каръяссӧ лоӧ эновтӧма, олысьыс сэні оз коль.

Еремей 32:4

Иудаса Седекей ӧксы оз мын калдеяса тышкайӧзлӧн киысь. Сійӧс збыльысь лоӧ сетӧма вавилонса ӧксы киӧ. Сылы ковмас аддзысьны да сёрнитны вавилонса ӧксыкӧд.

Еремей 34:3

Тэ он вермы пышйыны, тэнӧ босьтасны да сетасны сылӧн киӧ. Тэныд ковмас аддзысьны да сёрнитны вавилонса ӧксыкӧд, и тэнӧ нуӧдасны Вавилонӧ.

Еремей 38:18

А он кӧ сетчы вавилонса ӧксылӧн киподувса юралысьяслы, сэки тайӧ карсӧ лоӧ сетӧма калдеяса тышкайӧзлӧн киӧ. Найӧ сотасны тайӧ карсӧ биӧн, и тэ он мездмы налӧн киысь”».

Еремей 44:30

Господь тадзи висьталӧ: ”Ме сеті иудаса Седекей ӧксыӧс вавилонса Навукодоносор ӧксы киӧ, сеті вӧрӧглы, коді корсис босьтны сылысь олӧмсӧ. Тадзи жӧ Ме сета Хофра фараонӧс, египетса ӧксыӧс, вӧрӧг киӧ, сійӧ йӧзыслы, кодъяс корсьӧны босьтны сылысь олӧмсӧ”».

Бӧрданкыв 1:3

Иудаӧс нуӧдісны йӧз муӧ, сійӧ шогсьӧ, нартитӧмсьыс сьӧкыдалӧ. Сійӧ олӧ мукӧд войтыръяс пӧвстын, оз тӧд шойччӧгсӧ. Дзескӧдысьяс суӧдісны Иудаӧс, сійӧ эз вермы пышйыны.

Бӧрданкыв 1:6

Воштіс Сион ныв ассьыс нималӧмсӧ. Сылӧн юралысьясыс кӧръяс кодьӧсь, кодъяс оз аддзыны йирсянін. Дзескӧдысь вӧтлӧ найӧс водзвылас, найӧ котӧртӧны эбӧссьыс усьӧмӧн.

Езекиль 12:4

Луннас налӧн син водзын петкӧд кӧлуйтӧ, кутшӧмӧс босьтӧны пленӧ мунігӧн. А рытнас налӧн син водзын пленӧ босьтӧмаяс моз ачыд пет.

Езекиль 12:14

Юралысьныс дор сулалысьясӧс, сылысь отсасьысьяссӧ да тышкайӧзсӧ, Ме тӧвйыв разӧда и бӧрсяньыс шыпуртӧн вӧтча.

Закар 8:19

– Господь Саваоф тадзи висьталӧ: нёльӧд, витӧд, сизимӧд да дасӧд тӧлысьясӧ видзалан лунъясыс лоӧны нимкодясян лунъясӧн, шуда гажӧдчан лунъясӧн Иуда войтырлы. Кутчысьӧй збыляс да лӧнь олӧмас!

Исай 22:3

Тэнад веськӧдлысьясыд ӧтвылысь пышйисны ньӧвъясысь, но найӧс кутісны. Найӧ ылӧдз пышйисны, но найӧс аддзисны да кӧртавлісны.