Ӧксыяслӧн 4 небӧг 25:11 - Коми Библия 2023

¹¹ А карас кольӧм войтырсӧ, весиг вавилонса ӧксы дор вуджӧм йӧзӧс, Навузардан, ӧксыӧс видзысьяслӧн юралысь, нуӧдіс Вавилонӧ.

Ӧксыяслӧн 4 небӧг 25:11 Referans Kwoze

Езекиль 5:2

куим пельӧ. Кор помасясны Ерусалим карӧс кытшалан лунъясыд, ӧти пайсӧ биын сот кирпич вылӧ серпасалӧм кар шӧрас. Мӧд пайсӧ керав шыпуртӧн кар саяс, а коймӧд пайсӧ шыбит, мед тӧлыс разӧдас. Ме перъя шыпуртӧс да вӧтӧда коймӧд пайсӧ.

Еремей 52:12

Вавилонса Навукодоносор ӧксылӧн дас ӧкмысӧд веськӧдлан воӧ, витӧд тӧлысьлӧн дасӧд лунӧ, Ерусалимӧ локтіс Навузардан, ӧксыӧс видзысьяслӧн юралысь, вавилонса ӧксыӧс туйдӧдысь.

Еремей 39:9

Карсьыс коляс войтырсӧ да вавилонса ӧксы дор вуджысьясӧс Навузардан, ӧксыӧс видзысьяслӧн юралысь, нуӧдіс пленӧ Вавилонӧ.

2 Каднебӧг 36:20

А найӧс, кодъяс ловйӧн колисны, нуӧдісны пленӧ Вавилонӧ. Калдеяса ӧксылы да сысянь чужысьяслы найӧ вӧліны кесйӧг туйынӧсь сэтчӧдз, кытчӧдз сэні эз кут юравны персияса ӧксы.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Ездра 2:1

Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Вавилонысь Ерусалимӧ да Иуда муӧ – быдӧн аслас карӧ.

Псалтыр 144:14

Господь кутыштӧ нюкыртчӧмаӧс, Сійӧ лэптӧ усьӧмаӧс.

Еремей 32:28

Та вӧсна Господь тадзи висьталӧ: тайӧ карсӧ Ме сета калдеяса тышкайӧзлӧн киӧ да вавилонса Навукодоносор ӧксы киӧ. Сійӧ босьтас тайӧ карсӧ.

Еремей 52:15

А карас кольӧм войтырсӧ, весиг гӧльясӧс да вавилонса ӧксы дор вуджӧм йӧзӧс, Навузардан, ӧксыӧс видзысьяслӧн юралысь, нуӧдіс Вавилонӧ.

Еремей 52:30

Навукодоносорлӧн кызь коймӧд веськӧдлан воӧ Навузардан, ӧксыӧс видзысьяслӧн юралысь, нуӧдіс Иуда муысь пленӧ сизимсё нелямын вит мортӧс. Ставнас вӧлі нуӧдӧма нёль сюрс квайтсё мортӧс.

Езекиль 17:21

Иудаса ӧксылӧн тышкайӧзыс пышъясны, но шыпурт улӧ шедасны, а ловйӧн кольӧмаясӧс разӧдасны нёльнан му пельӧсӧ. Сэки ті тӧдмаланныд, мый тайӧс висьталі Ме, Господь.

Езекиль 12:11

Шу налы, мый тэ эм налы пас, и мый тэ вӧчан, сійӧ накӧд лоӧ. Найӧс босьтасны да нуӧдасны пленӧ.