Ӧксыяслӧн 4 небӧг 23:33 - Коми Библия 2023

³³ Хамат муын Ривла карын Неко фараон пуксьӧдіс Иохазӧс дзескыдінӧ, тадзи вештіс сійӧс Ерусалимын ӧксыалӧмысь. Иуда войтырлы фараон тшӧктіс мынтыны вот – сё талант эзысь да [сё] талант зарни.

Ӧксыяслӧн 4 небӧг 23:33 Referans Kwoze

Ӧксыяслӧн 4 небӧг 25:6

Седекей ӧксыӧс кутісны да вайӧдісны вавилонса ӧксы дінӧ Ривлаӧ, и сэні сійӧс мыждісны.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Шусьӧгъяс 19:19

Лӧгалысьӧс мед мыждӧмыс суӧ, норман кӧ сы дінӧ, чорыдджыка на мыждыны ковмас.

Ӧксыяслӧн 4 небӧг 23:29

Иосейлӧн ӧксыалігӧн Неко фараон, египетса ӧксы, мӧдӧдчис Ефрат ю дорӧ ассурса ӧксылы отсӧг вылӧ. Иосей ӧксы петіс фараонлы паныд тышӧ, но Мегиддо кар дорын фараон виис сійӧс.

Ӧксыяслӧн 4 небӧг 18:14

Иудаса Езекей ӧксы ыстіс Лакишӧ ассурса ӧксылы юӧр: «Ме мыжа тэ водзын. Кута мынтыны тэныд вот, мыйта шуан, сӧмын дугды дзескӧдны менӧ». Ассурса ӧксы тшӧктіс иудаса Езекей ӧксылы мынтыны куимсё талант эзысь да комын талант зарни.

Лыд 34:11

Шефамсянь сійӧ лэччас Ривлаӧдз, Айнсянь асыввылӧ, и сэсся водзӧ мунас Киннерет ты дорӧдз сылӧн асыввывладорсяньыс.

Лыд 13:21

Вына-ӧ муыс, сетӧ-ӧ сійӧ бур быдтас? Быдмӧны-ӧ сэні пуяс? Лоӧй повтӧмӧсь, вайӧй сэтысь вотӧс». Сэки вӧлі виноград кисьман кад.

Петӧм 21:22

Зык-вен дырйи кӧ морт вачкас кынӧма аньӧс, и кагаыс петас, но кага воштӧмысь ӧтдор аньлӧн мукӧдлаті оз доймав, таысь мыжаыс мед вештысяс, мыйта шуас аньлӧн верӧсыс либӧ ёрдысь.

Ӧксыяслӧн 4 небӧг 23:35

Ехояким мынтіс фараонлы эзысь да зарни. Медым сетны фараонлы сьӧм сылӧн корӧм серти, Ехояким ӧксы перйис аслас войтырыслысь вот. Быд мортлысь сійӧ чукӧртіс эзысь да зарни сылысь овмӧссӧ донъялӧм серти, сэсся чукӧртӧмасӧ сетіс фараонлы.

Ӧксыяслӧн 4 небӧг 25:20

Ставнысӧ Навузардан, ӧксыӧс видзысьяслӧн юралысь, вайӧдіс вавилонса ӧксы дінӧ Ривлаӧ.

Еремей 46:2

Иудаса Ехояким ӧксылӧн, Иосей пилӧн, нёльӧд веськӧдлан воӧ, кор вавилонса Навукодоносор ӧксы пасьвартіс египетса Неко фараонлысь тышкайӧзсӧ Каркемисын, Ефрат ю дорын, Еремейлы вӧлі Египет йылысь да египетса тышкайӧз йылысь Господьсянь кыв:

Езекиль 19:7

Сійӧ жугліс овтӧм керкаяс, куштіс каръяс, сылӧн равзӧмысь тіраліс став мувывса олысьыс.

Езекиль 19:9

Сійӧс дорисны чептӧн да пуксьӧдісны клеткаӧ, вайӧдісны вавилонса ӧксы дінӧ, йӧртісны изкарса дзескыдінӧ, медым израильса керӧсъяс вылын эз нин кыв сылӧн равзӧм шыыс.