Ӧксыяслӧн 4 небӧг 23:20 - Коми Библия 2023

²⁰ Вись ваян мылькъяс вылын кесъялысь попъясӧс Иосей виис налӧн висьпуктанінъяс вылын, тшӧтш сотіс сэні шойнаысь перйӧм лыяссӧ. Та бӧрын ӧксы бӧр локтіс Ерусалимӧ.

Ӧксыяслӧн 4 небӧг 23:20 Referans Kwoze

Ӧксыяслӧн 4 небӧг 11:18

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас. Иодай поп индіс йӧзӧс видзны Господьлысь крамсӧ.

2 Каднебӧг 34:5

Ылӧг енъяслӧн попъяслысь лыяссӧ Иосей сотіс налӧн висьпуктанін вылын, тадзи сійӧ сӧстӧммӧдіс Иуда му да Ерусалим кар.

Ӧксыяслӧн 4 небӧг 10:25

Кор сотан вись вайӧмыс помасис, Еху горӧдіс аслас видзысьяслы да тышкайӧзӧн веськӧдлысьяслы: «Пырӧй да ставнысӧ виӧй! Некодӧс энӧ лэдзӧй петнысӧ!» Найӧ виисны шыпуртӧн ставнысӧ да шыбитісны шойяссӧ ортсӧ. Сэсся пырисны Вааллы юрбитанінлӧн пыді вежӧсӧ.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Ӧксыяслӧн 3 небӧг 18:40

Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис.

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Индӧд 13:5

А пророкӧс да вӧтъяс аддзылысьӧс колӧ вины, мыйла сійӧ ышӧдіс тіянӧс паныд кыпӧдчыны Господьлы, тіян Енлы, коді петкӧдіс тіянӧс Египетысь да мездіс нартитӧм улысь. Бырӧдӧй лёксӧ ас пӧвстсьыныд, ӧд татшӧм мортыс кежӧдӧ тіянӧс туйысь, кыті Господь, тіян Енныд, тшӧктіс тіянлы муннысӧ.

Левит 26:30

Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Петӧм 22:19

Быдӧнӧс, коді узьлӧ пемӧскӧд, колӧ вины.