Ӧксыяслӧн 4 небӧг 23:15 - Коми Библия 2023

¹⁵ Иосей ӧксы жугӧдіс Вефильысь висьпуктанін да вись ваян мыльк, мый коркӧ вӧчліс Неватлӧн Еровам пиыс, коді кежӧдіс Израиль войтырӧс мыжас. Иосей сотіс юрбитан пу да вись ваян мыльк, сэтысь изъяссӧ нырис пызьӧдз.

Ӧксыяслӧн 4 небӧг 23:15 Referans Kwoze

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

Ӧксыяслӧн 3 небӧг 14:16

Еровамлӧн мыж вӧчӧмысь да Израиль войтырӧс мыжас кежӧдӧмысь Господь эновтас Израильӧс».

Ӧксыяслӧн 4 небӧг 10:31

Но Еху эз зіль став сьӧлӧмсяньыс овны Господьлӧн, Израиль Енлӧн, Индӧд серти. Еху эз эновтчы сійӧ мыжъяссьыс, мыйӧн Еровам коркӧ кежӧдіс Израиль войтырӧс мыжас.

Ӧксыяслӧн 3 небӧг 21:22

Мый Ме вӧчи Неват Еровамлӧн да Ахий Вааслӧн рӧдъяскӧд, вӧча тшӧтш тэнад рӧдкӧд, ӧд тэ скӧрмӧдін Менӧ да кежӧдін Израиль войтырӧс мыжас”.

Ӧксыяслӧн 3 небӧг 15:30

Еровамлысь рӧдсӧ вӧлі бырӧдӧма сы вӧсна, мый Еровам мыж вӧчис да кежӧдіс Израиль войтырӧс мыжас, и тадзи скӧрмӧдіс Господьӧс, Израильлысь Енсӧ.

Ӧксыяслӧн 3 небӧг 12:28

Туйдӧдысьяскӧд сёрнитчӧм бӧрын Еровам ӧксы вӧчис кык зарни ӧшкӧс. Сэсся шуис войтырыслы: «Тіянлы оз ков ветлыны Ерусалимӧ. Израиль, со тэнад енъясыд, кодъяс петкӧдісны тэнӧ Египетысь».

Ӧксыяслӧн 3 небӧг 13:1

Кор Еровам висьпуктанін вылын сотіс вись, Вефильӧ локтіс Иуда муысь Енлӧн морт, кодӧс мӧдӧдіс Господь.

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

Ӧксыяслӧн 4 небӧг 23:4

Ӧксы тшӧктіс Хилки аркирейлы, попъяслы да крам пыранін видзысьяслы петкӧдны Господьлӧн крамысь став юрбитанторсӧ, мый вӧлі вӧчӧма Ваал да Астарта идолъяслы да енэжвыв вынъяслы. Сійӧ сотіс ставсӧ Ерусалим кар сайын Кедрон ковтысын да нуис пӧимсӧ Вефильӧ.

2 Каднебӧг 34:6

Манассей, Ефрем да Симеон чужанкотыръяслӧн каръясын да нагӧгӧрса бырӧдӧм муын, весиг Неффалим муӧдз,

Амос 3:14

Сійӧ лунӧ, кор Ме мыжда Израиль войтырӧс налӧн мыжъясысь, Ме бырӧда Вефильысь висьпуктанінъяс. Висьпуктанінлысь сюръяссӧ керыштасны да шыбитасны муӧ.

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».

Ӧксыяслӧн 1 небӧг 7:4

Израиль войтыр бырӧдаліс Ваал да Астарта бӧлбанъясӧс, кутіс кесъявны-юрбитны сӧмын Господьлы.

Ӧксыяслӧн 4 небӧг 3:3

Но Иорам эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

2 Каднебӧг 34:7

Иосей жугліс висьпуктанінъяс да пӧрӧдіс юрбитан пуяс. Израиль му пасьтала сійӧ торпыригӧдз жугліс бӧлбанъясӧс, пӧрӧдіс тшынӧдчан висьпуктанінъяс, сэсся бӧр бергӧдчис Ерусалимӧ.