Ӧксыяслӧн 4 небӧг 23:12 - Коми Библия 2023

¹² Сійӧ бырӧдіс висьпуктанінъяс, кодъясӧс иудаса ӧксыяс сувтӧдісны Ахазлӧн керка вевт вылӧ. Бырӧдіс тшӧтш Господьлӧн крам кыкнан йӧрысь Манассейӧн сувтӧдӧм висьпуктанінъяс. Жугліс найӧс торпыригӧдз, нырис пызьӧдз да шыблаліс Кедрон ковтысӧ.

Ӧксыяслӧн 4 небӧг 23:12 Referans Kwoze

Софоний 1:5

бырӧда найӧс, кодъяс керка вевт вылын юрбитӧны енэжвыв вынъяслы, кодъяс юрбитӧны да кыв сетӧны Ме водзын да асланыс Молок идол водзын,

Еремей 19:13

Ерусалим карлӧн керкаясыс да иудаса ӧксыяслӧн керкаясыс лоӧны Тофет кодь пежӧсь. Тадзи лоӧ став керкаясыскӧд, кӧні вевт вылас тшынӧдчисны енэжвыв кодзувъяслы да вайисны вина вись мукӧд енъяслы».

Ӧксыяслӧн 4 небӧг 21:5

Господьлӧн крам кыкнан йӧрас Манассей сувтӧдіс енэжвыв вынъяслы висьпуктанінъяс.

2 Каднебӧг 33:5

Господьлӧн крам кыкнан йӧрас Манассей сувтӧдіс енэжвыв вынъяслы висьпуктанінъяс.

2 Каднебӧг 33:15

Господьлӧн крамысь Манассей шыбитіс сэтчӧ сувтӧдӧм бӧлбанӧс да мукӧд войтыръяслысь енъяссӧ. Сійӧ жугӧдіс висьпуктанінъяс, мый вӧлі сувтӧдӧма крамса керӧс вылӧ да Ерусалим карын мукӧдлаӧ, сэсся шыбитіс найӧс кар сайӧ.

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

Ӧксыяслӧн 4 небӧг 23:4

Ӧксы тшӧктіс Хилки аркирейлы, попъяслы да крам пыранін видзысьяслы петкӧдны Господьлӧн крамысь став юрбитанторсӧ, мый вӧлі вӧчӧма Ваал да Астарта идолъяслы да енэжвыв вынъяслы. Сійӧ сотіс ставсӧ Ерусалим кар сайын Кедрон ковтысын да нуис пӧимсӧ Вефильӧ.

Индӧд 22:8

Выль керка лэптігӧн керка вевт вылад гӧгӧрыс вӧч стен, медым некод оз усь тэнад керка вевт вывсянь, и тэ он ло мыжа вир кисьтӧмысь.

Еремей 31:40

Став ковтысыс, кытчӧ гуалӧма морт шойяс да шыблалӧма сотӧм висьяслысь пӧимсӧ, тшӧтш асыввылын став видз-муыс Кедрон ковтысӧдз да Вӧв дзиръя пельӧсӧдз лоӧны Господьлӧн вежа карӧн. Тайӧ карсӧ сэсся некор оз ло пазӧдӧма-бырӧдӧма.

Ӧксыяслӧн 3 небӧг 15:13

Аслас Маака пӧчыслы Аса эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ да сотіс сійӧс Кедрон ковтысын.

Ӧксыяслӧн 4 небӧг 10:26

Сэтысь петкӧдісны Вааллы сиӧм юрбитан сюръяяссӧ да сотісны.

Ӧксыяслӧн 4 небӧг 21:4

Манассей сувтӧдіс идолъяслы висьпуктанінъяс тшӧтш Господьлӧн крамӧ, мый йылысь Господь шуліс, Ерусалимын пӧ лоас Менам нимӧйлы оланін.

2 Каднебӧг 15:16

Аслас Маака пӧчыслы Аса ӧксы эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ торпыригӧдз да сотіс сійӧс Кедрон ковтысын.

Софоний 1:4

Ме лэпта Ассьым киӧс Иуда вылӧ, Ерусалимын олысьяс вылӧ, бырӧда тайӧ карсьыс ставсӧ, мый казьтывлӧ Ваал идол йылысь, бырӧда тшыкӧдчысьяслысь нимсӧ, ылӧг енъяслы юрбитысь попъяслысь нимсӧ,