Ӧксыяслӧн 4 небӧг 22:19 - Коми Библия 2023

¹⁹ ”Ме висьтавлі тайӧ карыс да сэні олысьяс йылысь, мый найӧ лоӧны повзьӧданторйӧн да ёранторйӧн. Тайӧс кылӧм бӧрын тэ небзьӧдін сьӧлӧмтӧ да раммӧдчин Ме водзын, косялін паськӧмтӧ да бӧрдін Ме водзын, та вӧсна Ме кылі тэнӧ, – висьталӧ Господь. –

Ӧксыяслӧн 4 небӧг 22:19 Referans Kwoze

Ӧксыяслӧн 3 небӧг 21:29

«Видзӧд, кутшӧма Ахав раммӧдчис Ме водзын. Раммӧдчӧмыс вӧсна сылӧн олан лунъяс дырйи Ме ог ысты шогсӧ. Но пиыслӧн олан лунъяс дырйи Ме ыста шогсӧ Ахавлӧн рӧдыс вылӧ».

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Петӧм 10:3

Мӧисей Ааронкӧд локтісны фараон дінӧ да шуисны сылы: «Господь, еврейяслӧн Ен, тадзи висьталӧ: ”Дыр-ӧ на тэ он раммӧдчы Ме водзын? Лэдз Менсьым войтырӧс, медым найӧ юрбитасны Меным.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Ӧксыяслӧн 1 небӧг 24:5

Найӧ шуисны Давидлы: «Воис сійӧ луныс, мый йылысь висьтавліс тэныд Господь. Сійӧ кӧсйысис сетны вӧрӧгтӧ тэнад киӧ, и тэ верман вӧчны сыкӧд, мый кӧсъян». Давид гусьӧникӧн матыстчис да вундыштіс Сауллысь паськӧм дорышсӧ.

Лука 19:41

Ерусалимлань матыстчигӧн Исус видзӧдліс кар вылас да бӧрдӧмӧн

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

2 Каднебӧг 33:12

Сьӧкыдалігас Манассей кутіс кевмысьны Господьлы, аслас Енлы. Сійӧ раммӧдчис аслас батьяслӧн Ен водзын.

2 Каднебӧг 33:19

Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

Ӧксыяслӧн 4 небӧг 20:5

«Бӧр бергӧдчы да висьтав Езекейлы, Менам войтырлӧн юралысьлы, мый Господь, Давид пӧльыдлӧн Ен, тадзи висьталӧ: ”Ме кылі тэнсьыд кевмӧмтӧ да аддзи тэнсьыд синватӧ. Ме бурдӧда тэнӧ. Кык лун мысти тэ мунан Господьлӧн крамӧ.

Неемий 1:4

Тайӧс кылӧм бӧрын ме пукси да бӧрддзи. Некымын лун чӧж ме шогалі да видзалі-кевмыси енэжвывса Ен водзын.

Ездра 10:1

Кор Енлӧн крам водзын Ездра бӧрдӧмӧн да муас уськӧдчӧмӧн кевмысис да висьтасис войтырыслӧн мыжъясысь, сы дінӧ чукӧртчис Израиль войтырысь зэв уна йӧз – айулов, аньяс и челядь. Ставныс найӧ тшӧтш ёна бӧрдісны.

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

Ӧксыяслӧн 4 небӧг 22:11

Индӧд небӧгысь кывъяссӧ кылӧм бӧрын ӧксы косяліс ассьыс паськӧмсӧ.

Ӧксыяслӧн 4 небӧг 19:20

Амослӧн Исай пиыс мӧдӧдіс мортӧс да тшӧктіс висьтавны Езекейлы: «Господь, Израильлӧн Ен тадзи висьталӧ: ”Тэ кевмысин Меным, кор ассурса Сеннахирим ӧксы повзьӧдліс тэнӧ, и Ме кылі тэнӧ”.

Ёрдысьяс 20:26

Та бӧрын став израильса тышкайӧзыс локтісны Вефильӧ. Пукалісны сэні Господь водзын да бӧрдісны. Рытӧдзыс видзалісны, вайисны Господьлы сотан да бурасян висьяс.

Индӧд 29:23

Муыс ставнас сотчас, сэні лоӧ сӧмын тэг да сов, весиг турун оз кут быдмыны. Сэні нинӧм он вермы кӧдзны-быдтыны. Сійӧ лоӧ Содом да Гомора, Адма да Севоим каръяс кодь. Тайӧ каръяссӧ Господь бырӧдіс ыджыд скӧрлунӧн.

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Еремей 36:24

Ни ӧксы, ни сылӧн чина йӧзыс эз повзьыны, эз косявлыны ассьыныс паськӧмнысӧ, кор найӧ кылісны гижӧм кывъяссӧ.

Еремей 14:17

– Висьтав налы тайӧ кывъяссӧ: лун и вой мед киссяс менам синваӧй, мед оз дугдыв менам бӧрдӧмӧй, ӧд менсьым войтырӧс пасьвартӧма, сійӧс сьӧкыда дойдалӧма.

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Исай 46:12

Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

Неемий 8:9

Индӧдсӧ кывзігӧн став войтырыс бӧрдіс. Сэки Неемий юралысь, Индӧдӧ велӧдысь Ездра поп да войтырсӧ велӧдысь левитъяс шуисны кывзысьяслы: «Тайӧ лунсӧ вежӧдӧма Господьлы, тіян Енлы. Энӧ шогсьӧй да энӧ бӧрдӧй.

Лыд 25:6

Кор Мӧисей да став Израиль войтыр бӧрдісны вежа чом пыранін водзын, найӧ аддзисны, кыдзи израильса морт локтӧ вокъясыс дінӧ мадианса анькӧд.

2 Каднебӧг 34:27

”Тэ небзьӧдін сьӧлӧмтӧ да раммӧдчин Ме водзын, кор тэ кылін, мый Ме висьтавлі тайӧ карыс да сэні олысьяс йылысь. Тэ раммӧдчин Ме водзын, косялін паськӧмтӧ да бӧрдін Ме водзын, та вӧсна Ме кылі тэнӧ, – висьталӧ Господь. –

2 Каднебӧг 32:26

Но Езекей раммӧдчис, Ерусалимын олысьяс тшӧтш раммӧдчисны, и Езекейлӧн олан кадӧ Господьлӧн скӧрлуныс эз су найӧс.

Еремей 36:13

Микей висьталіс налы став кывъяссӧ, мый сійӧ кывліс, кор Барук лыддис войтырыслы гижӧд тубрасысь.