Ӧксыяслӧн 4 небӧг 21:18 - Коми Библия 2023

¹⁸ Манассей куліс да вуджис батьясыс дінӧ. Сійӧс дзебисны аслас ӧксы керка йӧрӧ – Уззайлӧн сад йӧрӧ. Манассей бӧрти ӧксыӧ пуксис сылӧн Амон пиыс.

Ӧксыяслӧн 4 небӧг 21:18 Referans Kwoze

2 Каднебӧг 33:20

Манассей куліс да вуджис батьясыс дінӧ. Сійӧс дзебисны аслас керка йӧрӧ. Манассей бӧрти ӧксыӧ пуксис сылӧн Амон пиыс.

Ӧксыяслӧн 4 небӧг 21:26

Амонӧс дзебисны Уззайлӧн сад йӧрӧ аслас дзебанінӧ. Амон бӧрти ӧксыӧ пуксис сылӧн Иосей пиыс.

Еремей 22:19

Сійӧс гуаласны осёлӧс моз. Сылысь шойсӧ кыскасны да шыбитасны ерусалимса дзиръя сайӧ.

2 Каднебӧг 32:33

Езекей куліс да вуджис батьясыс дінӧ. Сійӧс дзебисны Давидсянь чужысьяслӧн дзебанінӧ, выліинӧ. Сылӧн кулӧм бӧрын став Иуда войтыр да Ерусалимын олысьяс нимӧдісны сійӧс. Езекей бӧрти ӧксыӧ пуксис сылӧн Манассей пиыс.

2 Каднебӧг 28:27

Ахаз куліс да вуджис батьясыс дінӧ. Сійӧс дзебисны Ерусалимӧ, но эз израильса ӧксыяслӧн дзебанінӧ. Ахаз бӧрти ӧксыӧ пуксис сылӧн Езекей пиыс.

2 Каднебӧг 24:25

Кор арамейяс мунісны, колисны Йоасӧс ёна дойдалӧмаӧн. Сэки Йоаслӧн кесйӧгъясыс сёрнитчисны сылысь водзӧс перйыны Иодай поплысь писӧ виӧмысь. Кесйӧгъясыс виисны Йоасӧс вольпасяс. Йоас куліс, и сійӧс дзебисны Давид карӧ, но эз ӧксыяслӧн дзебанінӧ.

2 Каднебӧг 24:16

Сійӧс дзебисны Давид карӧ, ӧксыяскӧд орччӧн, ӧд сійӧ бурсӧ вӧчис Израиль войтырлы, Енмыслы да Сылӧн крамлы.

2 Каднебӧг 21:20

Ӧксыӧ пуксигас Иорамлы вӧлі комын кык арӧс. Кӧкъямыс во чӧж сійӧ юраліс Ерусалимын. Сылӧн кулӧм вӧсна некод эз бӧрд. Сійӧс дзебисны Давид карӧ, но эз ӧксыяслӧн дзебанінӧ.

Ӧксыяслӧн 1 небӧг 25:1

Самуил куліс. Став Израиль войтыр чукӧртчис да ёна бӧрдіс сы вӧсна. Дзебисны сійӧс аслас Рама карӧ. Та бӧрын Давид муніс Паран овтӧминӧ.

Еремей 1:2

Иудаса Иосей ӧксылӧн, Амон пилӧн, дас коймӧд веськӧдлан воӧ Еремейлы вӧлі Господьсянь кыв.

Софоний 1:1

Софоний вӧлі Кушилӧн пи. Кушилӧн батьыс вӧлі Гедалий, Гедалийлӧн – Амарей, Амарейлӧн – Езекей. Иудаса Иосей ӧксылӧн, Амон пилӧн, веськӧдлан кадӧ Софонийлы вӧлі Господьсянь кыв:

Ӧксыяслӧн 4 небӧг 21:19

Ӧксыӧ пуксигас Амонлы вӧлі кызь кык арӧс. Кык во чӧж сійӧ юраліс Ерусалимын. Сылӧн мамыс вӧлі Мешуллемет, Ятбаысь Харуцлӧн нылыс.

1 Каднебӧг 3:14

Манассейлӧн – Амон, Амонлӧн – Иосей.