Ӧксыяслӧн 4 небӧг 2:9 - Коми Библия 2023

⁹ Вуджӧм бӧраныс Илля юаліс Елисейлысь: «Тэ дінысь менӧ босьттӧдз мый тэ кӧсъян, мед ме вӧчи тэныд?» Елисей вочавидзис: «Тэын олысь лолыс мед лоас ме пытшкын кык пӧвстӧн унджык мукӧд велӧдчысьяс пытшкын дорысь».

Ӧксыяслӧн 4 небӧг 2:9 Referans Kwoze

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Индӧд 21:17

Сылы быть колӧ шуны медводдза чужысьнас мустӧм гӧтырыслысь писӧ да аслас эмбурысь вичмӧдны сылы кыкпӧвста пай. Ӧд тайӧ пиыс – выныслӧн медводдза вотӧсыс, сылы вичмӧ медводдза чужысьлӧн ним.

Иоан 16:7

Ме висьтала тіянлы збыльсӧ: бурджык лоӧ, Ме кӧ муна. Ог кӧ мун, сэки Дорйысь оз лок тіян дінӧ, а муна кӧ, мӧдӧда Сійӧс тіян дінӧ.

Ап. уджъяс 8:17

Апостолъяс пуктылісны на вылӧ кинысӧ, сэки Вежа Лов лэччис на вылӧ.

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Лыд 11:25

Господь лэччис кымӧр пытшкын да сёрнитіс Мӧисейкӧд, сэсся Мӧисей вылысь Ловсӧ юкис да сетіс сизимдаснан юрнуӧдысьыслы. Кор Лолыс лэччис юрнуӧдысьяс вылӧ, найӧ кутісны пророкавны. Но бӧрынджык найӧ эз нин пророкавны.

1 Тимофейлы 5:17

Вичкоса юрнуӧдысьясӧс, кодъяс бура уджалӧны, колӧ вылӧ донъявны, торйӧн нин Ен кыв висьталысьясӧс да велӧдысьясӧс. Колӧ бура мынтысьны налы.

1 Коринфӧ 12:31

Сідзкӧ, зільӧй босьтны Ловсянь медбур сетӧмторсӧ. Ӧні ме петкӧдла тіянлы медбур туйсӧ.

Ап. уджъяс 1:8

Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».

Закар 9:12

Бӧр локтӧй асланыд изкарӧ, пленӧ босьтӧмаяс, помӧдзыс лача кутысьяс. Талун Ме юӧрта, мый кык пӧвстӧн тэныд ставсӧ бӧр бергӧда.

Псалтыр 72:20

Кыдзи садьмӧм бӧрын ми вунӧдам вӧтнымӧс, тадзи Тэ, Господьӧй, чеччан да вуштыштан найӧс.

Ӧксыяслӧн 3 небӧг 3:9

Сідзкӧ, сет меным сюсь вежӧр, медым ме веськыда мыжді Тэнсьыд войтыртӧ да кужи торйӧдны бурсӧ лёксьыс. Ӧд вермас-ӧ кодкӧ веськӧдлыны Тэнад уна лыда войтырӧн?»

Индӧд 34:9

Навлӧн Исус пиыс вӧлі тырӧма мывкыдлуныслӧн лолӧн, ӧд Мӧисей пуктыліс сы вылӧ кисӧ. Израиль пиян кывзысисны Исуслысь да ставсӧ вӧчисны сідзи, кыдзи Господь тшӧктіс Мӧисейлы.

Псалтыр 72:1

Асафлӧн псалом. Енмыс сэтшӧм бур Израиль войтыр дінӧ, сӧстӧм сьӧлӧмаяс дінӧ!

Ӧксыяслӧн 3 небӧг 19:16

А Израиль войтырлы мавтыштӧмӧн пукты ӧксыӧ Нимшилысь Еху писӧ. Пророкӧ ас пыддиыд мавтышт Авел-Мехолаысь Елисейӧс, Шафатлысь писӧ.