Ӧксыяслӧн 4 небӧг 2:4 - Коми Библия 2023

⁴ Илля шуис Елисейлы: «Кольччы татчӧ, Елисей, а менӧ Господь тшӧктӧ мунны Ериконӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Ериконӧ.

Ӧксыяслӧн 4 небӧг 2:4 Referans Kwoze

Ӧксыяслӧн 4 небӧг 2:2

Илля шуис Елисейлы: «Тэ кольччы татчӧ, а менӧ Господь тшӧктӧ мунны Вефильӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Вефильӧ.

Нав Исус 6:26

Исус нималіс став му пасьталаыс, ӧд Господь вӧлі сыкӧд.

Лука 19:1

Ериконӧ воӧм бӧрын Исус муніс кар пырыс.

Ӧксыяслӧн 4 небӧг 4:30

Зонкалӧн мамыс шуис: «Ловъя Господь водзын да тэ водзын шуа: тэтӧг ме ог мун». Сэки Елисей тшӧтш муніс анькӧд.

Ӧксыяслӧн 3 небӧг 16:34

Ахавлӧн юралігӧн вефильса Хиэл выльысь лэптіс Ерикон кар. Карлы подув пуктӧмысь сійӧ воштіс медводдза чужысь Авирам писӧ, а карса дзиръя сувтӧдӧмысь воштіс Сегув нима медічӧт писӧ. Тадзи иніс Господьлӧн шуӧмыс, мый Сійӧ висьталіс Навлӧн Исус пи пыр.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 2:42

Эскысьяс став сьӧлӧмнас кутчысисны апостолъяслӧн велӧдӧмӧ. Найӧ пыр ӧтлаын чукӧртчывлісны, нянь чегисны да кевмысисны.

Ӧксыяслӧн 1 небӧг 1:26

Анна шуис: «Ыджыдӧй, ме кыв сета тэ водзын, мый ме дзик сійӧ аньыс, коді коркӧ сулаліс тані тэ водзын да кевмысис Господьлы.

Нав Исус 6:1

Господь шуис Исуслы: «Ме сета тэнад киӧ Ерикон кар, сэтчӧс ӧксыӧс да сылысь вына тышкайӧзсӧ.

Руфа 1:16

Но Руфа вочавидзис: «Эн тшӧкты менӧ бергӧдчыны. Тэнӧ ме ог эновт. Кытчӧ тэ мунан, сэтчӧ и ме муна. Кытчӧ тэ кольччан, сэтчӧ и ме кольчча. Тэнад войтырыд лоӧ менам войтырӧн, и тэнад Енмыд лоӧ менам Енмӧн.