Ӧксыяслӧн 4 небӧг 19:23 - Коми Библия 2023

²³ Аслад юӧр вайысьяс пыр тэ омӧльтін Господьӧс. Тэ шуин: ”Аслам уна лыда тарантасъясӧн ме кайи джуджыд керӧсъяс вылӧ, ливанса керӧсъяс йылӧдз. Ме кералі сылысь гырысь сус пуяссӧ, пӧрӧді медбур кипарисъяссӧ. Ме волі сылӧн медылі пельӧсӧдз, пыралі сылӧн медпыді раскӧдз.

Ӧксыяслӧн 4 небӧг 19:23 Referans Kwoze

Псалтыр 20:7

бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Ӧксыяслӧн 4 небӧг 18:17

Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс, тышкайӧзӧн веськӧдлысьӧс, ыджыд чинаясӧн веськӧдлысьӧс да ассьыс эскана мортӧс. Кор найӧ воисны Ерусалимӧ, сувтісны вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Исай 10:18

Ассурлысь медбур вӧръяссӧ да сад йӧръяссӧ лоӧ бырӧдӧма, сэні нинӧм ловъяыс оз коль, Ассур лоӧ кулӧм морт кодь.

Исай 10:14

Ме озырмӧдчи войтыръяслӧн озырлунӧн, быттьӧ лэбач поз пазӧді. Кыдзи эновтӧм позйысь чукӧртӧны лэбачлысь колькъяссӧ, тадзи ме курышті аслам кипод улӧ ставнас мусӧ. Весиг борднас некод эз шеныштлы, вомсӧ эз восьтлы да эз чипӧстлы».

2 Каднебӧг 32:17

Аслас гижӧдъясын Сеннахирим омӧльтіс Господьӧс, Израильлысь Енсӧ: «Войтыръяслӧн енъясыс эз мездыны менам киысь ассьыныс войтырсӧ. Тадзи жӧ Езекейлӧн Енмыс оз мезды менам киысь Ассьыс войтырсӧ».

2 Каднебӧг 26:10

Овтӧминын сійӧ тшӧтш вӧчис башняяс, изкыртаӧ кераліс уна вайӧртӧд, ӧд керӧсбердса муын да вывтасінын сылӧн вӧлі уна ыж-мӧс. Озей радейтіс му вӧдитӧм, та вӧсна керӧсъяс да ыбъяс вылын сылӧн йӧзыс быдтісны виноград да вӧдитісны му.

Ӧксыяслӧн 4 небӧг 18:23

Ассурса ӧксылӧн эскана морт водзӧ тшӧктіс висьтавны Езекейлы: «Ӧтувтчы менам ыджыдкӧд, ассурса ӧксыкӧд. Ме сета тэныд кык сюрс вӧв, сюрас кӧ тэнад та мында верзьӧмаыс.

Даниил 8:11

Сюрыс ышнясьӧмӧн кыпӧдчис весиг тышкакотыръяслӧн Юралысьлы паныд, дугӧдіс йӧзсӧ Юралысьлы быдлунся вись вайӧмысь да куштіс-пазӧдіс Сылысь вежаинсӧ.

Ӧксыяслӧн 4 небӧг 19:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Псалтыр 20:8

Ӧксы кӧ лача кутӧ Господь вылӧ, сійӧ оз вӧрзьыв, ӧд Медвылыссаыс бур сьӧлӧма сы дінӧ.

Исай 10:13

Ӧд ассурса ӧксы шуис: «Ме сюсь мывкыда морт, ставсӧ тайӧс вӧчи аслам вынӧн да сюсь вежӧрӧн. Ме бырӧді войтыръяслысь мувежтасъяссӧ, кушті налысь озырлунсӧ, вына морт моз шыбиті юралан пуклӧсысь налысь юралысьяссӧ.