Ӧксыяслӧн 4 небӧг 18:7 - Коми Библия 2023

⁷ Господь вӧлі Езекейкӧд, та вӧсна сылӧн ставыс артмис. Езекей кыпӧдчис ассурса ӧксылы паныд да дугдіс сылы кесъявны.

Ӧксыяслӧн 4 небӧг 18:7 Referans Kwoze

Ӧксыяслӧн 4 небӧг 16:7

Ахаз мӧдӧдіс юӧртысьясӧс ассурса Тиглатпаласар ӧксы дінӧ да тшӧктіс шуны сылы: «Ме – тэнад кесйӧг, тэнад пи. Лок да мезды менӧ арамса да израильса ӧксыяслӧн киысь, ӧд найӧ тышӧ петісны меным паныд».

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

2 Каднебӧг 32:30

Езекей тупкис Гихон ва петанінлысь вылыс визувтанінсӧ да веськӧдіс васӧ визувтны увлань, Давид кар рытывладорӧ. Езекейлӧн артмис быд удж.

2 Каднебӧг 31:21

Мыйӧ сійӧ босьтчыліс Енлӧн крамын кесъялӧм могысь, Индӧд да тшӧктӧмъяс збыльмӧдӧм могысь, ставсӧ вӧчис Енсӧ сьӧлӧмсяньыс корсьӧмӧн. Та вӧсна сылӧн ставыс артмис.

Ӧксыяслӧн 1 небӧг 18:14

и быдлаын вермыліс, ӧд Господь вӧлі сыкӧд.

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Ӧксыяслӧн 4 небӧг 18:20

Тэ висьталан нинӧм абусӧ, а тышад колӧны сюсьлун да вын. Тэ кыпӧдчин меным паныд, а ӧні код вылӧ тэ лача кутан?

Ӧксыяслӧн 1 небӧг 18:5

Давид вермыліс быд тышын, кытчӧ Саул мӧдӧдліс сійӧс. Та вӧсна Саул пуктіс Давидӧс веськӧдлыны тышкайӧзӧн. Став йӧзыслы и Сауллӧн кесйӧгъяслы тайӧ воис сьӧлӧм вылас.

Ӧксыяслӧн 2 небӧг 8:6

Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.

Олӧм 21:22

Сійӧ кадас Авимелек [Ахузаткӧд, коді колльӧдіс Авимелеклысь гӧтырпусӧ кӧлысь дырйи,] да тышкайӧзӧн веськӧдлысь Пикол шуисны Ӧвраамлы: «Тэкӧд Ен, Сійӧ быдторйын отсалӧ тэныд.

Ӧксыяслӧн 2 небӧг 8:14

Став Эдом пасьтала сійӧ сувтӧдаліс тышкакотыръяс. Эдомсаяс шедісны Давидлӧн кипод улӧ. Господь быд тышын отсаліс Давидлы вермыны.

Ӧксыяслӧн 4 небӧг 18:14

Иудаса Езекей ӧксы ыстіс Лакишӧ ассурса ӧксылы юӧр: «Ме мыжа тэ водзын. Кута мынтыны тэныд вот, мыйта шуан, сӧмын дугды дзескӧдны менӧ». Ассурса ӧксы тшӧктіс иудаса Езекей ӧксылы мынтыны куимсё талант эзысь да комын талант зарни.

Исай 33:6

Сійӧ лоӧ тэныд Дорйысьӧн, Сысянь лоӧ тэныд тырвыйӧ мездмӧм, мывкыдлун да тӧдӧмлун. Тэнад озырлуныд – Господьысь полӧм.

Исай 36:5

Тэ висьталан нинӧм абусӧ, а тышад колӧны сюсьлун да вын. Тэ кыпӧдчин меным паныд, а ӧні код вылӧ тэ лача кутан?

Ёрдысьяс 1:19

Господь вӧлі Иуда чужанкотыркӧд. Найӧ босьтісны керӧсвыв му, но ковтысын олысьясӧс эз вермыны вӧтлыны, ӧд налӧн вӧліны кӧрт тарантасъяс.

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.