Ӧксыяслӧн 4 небӧг 17:32 - Коми Библия 2023

³² Тайӧ войтыръясыс юрбитісны Господьлы, но индісны аслыныс попъясӧс, медым найӧ кесъялісны вись ваян мылькъяс вылын.

Ӧксыяслӧн 4 небӧг 17:32 Referans Kwoze

Ӧксыяслӧн 3 небӧг 12:31

Еровам сувтӧдаліс мылькъяс вылын юрбитанінъяс да индіс войтыр пӧвстысь попъясӧс, кодъяс эз вӧвны Левий чужанкотырысь.

Ӧксыяслӧн 4 небӧг 17:29

Но быд локтысь войтыр аслас карын вӧчис ассьыс енмӧс да сувтӧдіс сійӧс вись ваян мыльк вылын сулалысь юрбитанінӧ. Тайӧ юрбитанінъяссӧ коркӧ вӧчлісны самарияса олысьяс.

Софоний 1:5

бырӧда найӧс, кодъяс керка вевт вылын юрбитӧны енэжвыв вынъяслы, кодъяс юрбитӧны да кыв сетӧны Ме водзын да асланыс Молок идол водзын,

Ӧксыяслӧн 4 небӧг 23:19

Иосей ӧксы бырӧдіс тшӧтш Самария каръясысь вись ваян мылькъяс вылын сулалысь юрбитанінъяс, кодъясӧс вӧчлісны израильса ӧксыяс. Тайӧн найӧ дӧзмӧдлісны Господьӧс. Иосей вӧчис сэтчӧс юрбитанінъяскӧд сійӧ жӧ, мый вӧчис Вефильын.

Ӧксыяслӧн 3 небӧг 13:33

Весиг став тайӧ лоӧмтор бӧртиыс Еровам эз бергӧдчы аслас лёк туй вылысь. Сійӧ водзӧ сувтӧдаліс войтыр пӧвстысь попъясӧс кесъявны вись ваян мылькъяс вылын. Коді кӧсйис лоны попӧн, сійӧс Еровам и индыліс.

Ӧксыяслӧн 3 небӧг 13:31

Енлысь мортсӧ дзебӧм бӧрас пророк шуис пияныслы: «Кор ме кула, пуктӧй менӧ тайӧ жӧ дзебанінас, кӧні куйлӧ Енлӧн морт. Пуктӧй менсьым лыясӧс орччӧн сылӧн лыяскӧд.

Ӧксыяслӧн 4 небӧг 17:25

Овмӧдчӧм бӧраныс тайӧ олысьясыс эз на пыдди пуктыны Господьӧс, та вӧсна Господь ыстіс на вылӧ левъясӧс, кодъяс косявлісны йӧзсӧ.

Ӧксыяслӧн 4 небӧг 17:33

Господьлы юрбитӧм кындзи найӧ юрбитісны тшӧтш асланыс енъяслы войтыръясныс моз, кодъяс пӧвстысь найӧс вӧлі вайӧдӧма Самарияӧ.

Ездра 4:2

Найӧ локтісны Зоровавель да рӧдкутысьяс дінӧ да шуисны: «Лэдзӧй миянлы тіянкӧд ӧтвыв лэптыны крамсӧ, ӧд ми тіян моз юрбитам тіян Енлы. Сійӧ кадсяньыс, кор ассурса Асардан ӧксы вайис миянӧс татчӧ, ми вись ваям тіян Енлы».

Ӧксыяслӧн 3 небӧг 12:33

Аслас индӧм лунӧ – кӧкъямысӧд тӧлысьлӧн дас витӧд лунӧ – Еровам дасьтіс израильсаяслы гаж. Вефильӧ сувтӧдӧм висьпуктанін вылын сійӧ вайис висьяс да тшынӧдчис.

Ӧксыяслӧн 4 небӧг 17:41

Найӧ юрбитісны Господьлы, но тшӧтш и асланыс идолъяслы. Весиг ӧнӧдз налӧн челядьыс да челядьныслӧн челядьыс кутчысьӧны батьясныслӧн оласногӧ.