Ӧксыяслӧн 4 небӧг 17:21 - Коми Библия 2023

²¹ Кор Господь торйӧдіс Израильӧс Давид рӧдлӧн юралӧм улысь, израильсаяс пуктісны ӧксыӧ Неватлысь Еровам писӧ. Еровам кежӧдіс Израиль войтырӧс Господьысь да кыскис найӧс ыджыд мыжӧ.

Ӧксыяслӧн 4 небӧг 17:21 Referans Kwoze

Ӧксыяслӧн 3 небӧг 11:11

Та вӧсна Господь шуис Соломонлы: «Татшӧм оласногсьыд да сыысь, мый тэ торкин Менсьым йитӧдӧс да эн ов Менам тшӧктӧмъяс серти, мый Ме сеті тэныд, Ме босьта тэнсьыд юралӧмтӧ да сета тэнад кесйӧглы.

Ӧксыяслӧн 3 небӧг 11:31

да шуис Еровамлы: «Босьт аслыд дас юкӧнсӧ. Господь, Израильлӧн Ен, тадзи висьталӧ: ”Ме босьта Соломон киысь юралӧмсӧ да сета тэныд дас чужанкотыр.

Ӧксыяслӧн 3 небӧг 14:16

Еровамлӧн мыж вӧчӧмысь да Израиль войтырӧс мыжас кежӧдӧмысь Господь эновтас Израильӧс».

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Исай 7:17

Тэныд, тэнад войтырлы да тэнад рӧдлы Господь мӧдӧдас сэтшӧм лунъяс, кутшӧмӧсь эз на вӧвны сійӧ кадсяньыс, кор Ефрем торйӧдчис Иудаысь. Тіянлы паныд Господь мӧдӧдас ассурса ӧксыӧс.

Псалтыр 25:11

Но ме ола сӧстӧма. Мезды менӧ, [Господьӧй,] ло бур сьӧлӧма ме дінӧ!

2 Каднебӧг 11:15

Еровам индіс аслыс попъясӧс, медым найӧ кесъялісны вись ваян мылькъяс вылын кӧза да ӧш сяма бӧлбанъяслы, кодъясӧс сійӧ вӧчӧдіс.

2 Каднебӧг 11:11

Ровоам зумыдмӧдіс тайӧ изкаръяссӧ, быд изкарӧ индіс юралысьӧс да лӧсьӧдіс сэні сёян, вый да вина видзанінъяс.

Ӧксыяслӧн 3 небӧг 14:8

Ме босьті Давид рӧдлысь юралӧмсӧ да сеті тэныд. Но тэ абу вӧлӧмыд Менам Давид кесйӧг кодь. Сійӧ оліс Менам тшӧктӧмъяс серти, кывзысис Менсьым став сьӧлӧмнас да вӧчис Ме водзын сӧмын шогманасӧ.

Ӧксыяслӧн 1 небӧг 2:24

Дугдӧй, пиянӧй, вӧчны пежсӧ. Ог бурторъяс ме кыв тіян йылысь. Господьлӧн войтырыс лёктор висьталӧ тіян йылысь.

Ӧксыяслӧн 1 небӧг 2:17

Илий пиянлӧн мыжыс Господь водзын вӧлі зэв ыджыд, ӧд найӧ эз пыдди пуктыны Господьлы вись вайӧмсӧ.

Петӧм 32:21

Мӧисей юаліс Ааронлысь: «Тайӧ войтырыс кутшӧм лёк вӧчис тэныд, мый татшӧм ыджыд мыжӧ тэ уськӧдін найӧс?»

Олӧм 20:9

Авимелек корис Ӧвраамӧс да шуис: «Мый тэ вӧчин миянкӧд? Мыйӧн ме мыжа тэ водзын, мый татшӧм сьӧкыд мыжӧ тэ кыскин менӧ да менсьым войтырӧс? Тадзи ӧмӧй позьӧ вӧчны?»

Ӧксыяслӧн 3 небӧг 13:34

Тайӧ мыжыс вӧсна Еровамлысь рӧдсӧ вӧлі бырӧдӧма му вывсьыс.

Ӧксыяслӧн 4 небӧг 17:22

Израильсаяс вӧчисны сійӧ жӧ мыжъяссӧ, мый вӧчліс Еровам. Найӧ эз эновтчыны тайӧ мыжъяссьыс,

Ӧксыяслӧн 4 небӧг 3:3

Но Иорам эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.