Ӧксыяслӧн 4 небӧг 17:17 - Коми Библия 2023

¹⁷ Ныв-пинысӧ найӧ сотісны вись пыдди, тунасисны да тшыкӧдчисны. Найӧ сетчисны лёкас, вӧчисны Господь водзын шогмытӧмсӧ, тадзи скӧрмӧдісны Господьӧс.

Ӧксыяслӧн 4 небӧг 17:17 Referans Kwoze

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Ӧксыяслӧн 4 небӧг 16:3

Сійӧ ветліс израильса ӧксыяслӧн туйӧд, весиг сотіс биын ассьыс писӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Езекиль 23:37

Найӧ ӧд пежалісны йитӧдӧс, мый Ме кӧрталі накӧд. Найӧ сетчисны идолъясныслы, налы вись пыдди биын сотлісны пияннысӧ, кодъясӧс чужтісны Меным. Налӧн киныс вирӧсь.

Ӧксыяслӧн 3 небӧг 21:20

Ахав шуис Иллялы: «Мустӧмтысьӧй, тэ бара аддзин менӧ». Илля шуис: «Аддзи. Тэ ачыд сетчин, мед вӧчны Господь водзын шогмытӧмсӧ [да скӧрмӧдны Сійӧс].

Микей 5:12

Ме бырӧда тіянлысь тунасьӧмнытӧ, кимӧститчысьяс оз лоны тіян пӧвстын.

Ӧксыяслӧн 3 небӧг 21:25

Израильса ӧксыяс пиысь некод эз вӧч Господь водзын сэтшӧм шогмытӧмсӧ, мый Ахав вӧчис. Та вылӧ сійӧс ыззьӧдіс Езавель гӧтырыс.

Левит 19:26

Энӧ сёйӧй яйсӧ вирнас. Энӧ тунасьӧй, энӧ кимӧститчӧй.

Левит 18:21

Ныв-питӧ эн вай вись пыдди Молок идоллы, эн янӧд аслад Енлысь нимсӧ. Ме – Господь.

Галатӧ 5:26

Огӧ пондӧй вывтіасьны, ӧта-мӧдӧс дӧзмӧдны да ӧта-мӧдлы вежавны.

Ап. уджъяс 16:16

Ӧтчыд кевмысьны муніганым паныдасис миянлы ӧти кесйӧг ань, код пытшкын вӧлі тунасян лов. Туналӧмнас сійӧ уна сьӧм вайис аслас ыджыдъяслы.

Езекиль 23:39

Ассьыныс пиянсӧ идолъясныслы начкӧм бӧрын найӧ сійӧ жӧ лунӧ локтісны Менам вежаинӧ, тадзи пежалісны сійӧс. Со мый найӧ вӧчисны Менам керкаын.

Езекиль 20:31

Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Еремей 27:9

Энӧ кывзӧй ассьыныд пророкъяснытӧ, туналысьяснытӧ, вӧтъяс висьталысьяснытӧ, кимӧститчысьяснытӧ да тшыкӧдчысьяснытӧ, кодъяс шуалӧны тіянлы, ті пӧ онӧ кутӧй кесъявны вавилонса ӧксылы.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Исай 47:9

Но ӧти лунӧ, тӧдлытӧг, суас тэнӧ ӧтиыс и мӧдыс: тэ воштан челядьтӧ и колян дӧваӧн. Ставыс тайӧ воас тэ вылӧ ыджыд шыӧн, кӧть тэ ёна туналан-кимӧститчан.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 17:11

Войтыръяс моз, кодъясӧс Господь вӧтліс израильсаяс водзысь, найӧ сотісны висьяс мылькъяс вылын. Асланыс лёк вӧчӧмнаныс найӧ дӧзмӧдісны Господьӧс.

Римӧ 7:14

Ми тӧдам, мый Индӧдыс Ловсянь, а менӧ, тшыкӧм вир-яйын олысьӧс, вузалӧма мыжыслы.

Индӧд 4:25

Сійӧ муас олігӧн, кор тіян чужасны ныв-пи, и налӧн чужасны челядь, видзчысьӧй, медым энӧ сетчӧй пежас да энӧ вӧчӧй некутшӧм бӧлбанӧс либӧ серпасалӧм идолӧс. Татшӧм шогмытӧмсӧ кӧ вӧчанныд Господь Енныд водзын, ті дӧзмӧданныд Сійӧс.

Ӧксыяслӧн 4 небӧг 17:31

Авваысь локтысьяс – Нивхаз да Тартак бӧлбанъясӧс. Сепарваимысь локтысьяс асланыс Адрамелек да Анамелек енъяслы вись пыдди сотісны ассьыныс ныв-пинысӧ.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 19:5

Найӧ лэптісны Ваал идоллы вись ваян мылькъяс, медым сотан вись пыдди вайны Вааллы ассьыныс ныв-пинысӧ. Но татшӧмторсӧ Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 25:7

Но ті энӧ кывзӧй Менӧ! – висьталӧ Господь. – Асланыд киӧн вӧчӧмторъясӧн ті скӧрмӧдінныд Менӧ аслыныд жӧ лёк вылӧ.

Езекиль 16:21

Тэ виалін Менсьым ныв-пиӧс да сотін найӧс вись пыдди идолъяслы.

Левит 19:31

Кулӧмаӧс корысь да туналысь дінӧ энӧ шыасьӧй, насянь асьнытӧ энӧ пежалӧй. Ме – Господь, тіян Енныд.

Индӧд 32:16

Мукӧд енъяслы юрбитӧмнас Израиль войтыр скӧрмӧдіс Сійӧс, зывӧкторъяснас дӧзмӧдіс Сійӧс.

Ӧксыяслӧн 3 небӧг 14:15

Господь ёна дойдас Израильӧс, сійӧ лоӧ ваын легзьысь эжӧр кодь. Господь нетшыштас Израиль войтырӧс тайӧ бур му вывсьыс, мый сетіс налӧн батьяслы. Юрбитан пуяс сувтӧдӧмысь да тайӧн Господьӧс скӧрмӧдӧмысь Сійӧ разӧдас Израиль войтырӧс Ефрат ю сайӧ.