Ӧксыяслӧн 4 небӧг 16:4 - Коми Библия 2023

⁴ Ахаз вайліс висьяс, тшынӧдчис мылькъяс да керӧсъяс вылын и быд пашкыр пу улын.

Ӧксыяслӧн 4 небӧг 16:4 Referans Kwoze

Индӧд 12:2

Бырӧдӧй став юрбитанінъяссӧ, кӧні войтыръяс, кодъяслысь мусӧ ті босьтанныд, кесъялісны асланыс енъяслы джуджыд керӧс-мылькъяс вылын да пашкыра быдмысь пуяс улын.

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Еремей 17:2

Пияннысӧ моз найӧ казьтывлӧны висьпуктанінъяс да юрбитан пуяс йылысь, кодъяс сулалӧны пашкыр пуяс улын, джуджыд керӧсъяс вылын

Исай 66:17

Кодъяс вежӧдӧны-сӧстӧммӧдӧны асьнысӧ, медым сьӧрсьӧн-бӧрсьӧн юрбитны расъясын, кодъяс сёйӧны быдпӧлӧс пежсӧ – порсь яй да шыръясӧс, найӧ ставныс куласны, – висьталӧ Господь.

Исай 65:4

пукалӧны кулӧмаясӧс дзебанінын, коллялӧны войсӧ кырта горсъясын, сёйӧны порсь яй, пуӧны пӧртъясын пеж сёян.

Ӧксыяслӧн 4 небӧг 14:4

Сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис.

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Ӧксыяслӧн 4 небӧг 12:4

Йоас шуис попъяслы: «Господьлӧн крамӧ мед ваясны вежа сетанторъяс: ас пондаыс вештысян дон, Господьлы сиӧм мортысь вештысян дон да ас кӧсйӧм серти ваян сьӧм.

Езекиль 43:7

«Морт пиӧй, тайӧ крамыс Менам юралан пуклӧсӧй да Менам кок улӧй. Тані Ме кута овны Израиль пиян пӧвстын нэмъяс чӧж. Израиль войтыр да налӧн ӧксыясыс оз нин кутны пежавны Менсьым вежа нимӧс идолъяслы сетчӧмнас да кулӧм ӧксыясныслы ыджыд казьтылан изъяс сувтӧдӧмнас.