Ӧксыяслӧн 4 небӧг 16:3 - Коми Библия 2023

³ Сійӧ ветліс израильса ӧксыяслӧн туйӧд, весиг сотіс биын ассьыс писӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 16:3 Referans Kwoze

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Левит 18:21

Ныв-питӧ эн вай вись пыдди Молок идоллы, эн янӧд аслад Енлысь нимсӧ. Ме – Господь.

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 21:11

«Иудаса Манассей ӧксы вӧчис пежсӧ. Сыӧдз олысь аморей войтыр дорысь сійӧ лёксӧ вӧчис унджык на. Аслас идолъяслы юрбитӧмӧн сійӧ кежӧдіс тшӧтш Иуда войтырӧс мыжас.

Ӧксыяслӧн 4 небӧг 17:17

Ныв-пинысӧ найӧ сотісны вись пыдди, тунасисны да тшыкӧдчисны. Найӧ сетчисны лёкас, вӧчисны Господь водзын шогмытӧмсӧ, тадзи скӧрмӧдісны Господьӧс.

Езекиль 20:31

Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Езекиль 16:47

Тэ ветлін налӧн туйӧд, тэнад уджъясыд вӧліны налӧн кодь зывӧкӧсь. Но тайӧ тэныд вӧлі этша на, и тэ наысь унджык пежсӧ вӧчин.

Езекиль 16:21

Тэ виалін Менсьым ныв-пиӧс да сотін найӧс вись пыдди идолъяслы.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Псалтыр 106:35

Кушинысь Сійӧ артмӧдӧ ты, кос муысь – ва петанінъяс,

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

2 Каднебӧг 33:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

2 Каднебӧг 22:3

Ахазий ветліс Ахав рӧдлӧн туйӧд, ӧд сылӧн мамыс веськӧдіс сійӧс лёкас.

Ӧксыяслӧн 4 небӧг 23:10

Ӧксы пежаліс Бен-Хинном ковтысын Тофет нима висьваянін, медым йӧзыс дугдісны сэні сотны ассьыныс ныв-пинысӧ Молок идоллы.

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Ӧксыяслӧн 4 небӧг 8:18

Иорам ветліс израильса ӧксыяслӧн туйӧд. Сылӧн гӧтырыс вӧлі Ахавлӧн нылыс, та вӧсна Ахав рӧд моз сійӧ вӧчис Господь водзын шогмытӧмсӧ.

Ӧксыяслӧн 3 небӧг 14:24

Татшӧм юрбитанінъясын вӧліны кырсалысьяс. Иуда войтыр вӧчис быд зывӧксӧ сійӧ войтыръясыс моз, кодъясӧс Господь вӧтліс Израиль войтыр водзысь.

Индӧд 18:10

Некод тіян пӧвстысь мед оз сот ассьыс писӧ либӧ нывсӧ вись пыдди. Тіян пӧвстын мед оз ло тунасьысь, кимӧститчысь, тшыкӧдчысь,

Левит 20:2

«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Ӧксыяслӧн 4 небӧг 17:8

олісны израильса ӧксыяс моз да сійӧ войтыръясыс моз, кодъясӧс Господь коркӧ вӧтліс Израиль войтыр водзысь.

Ӧксыяслӧн 4 небӧг 17:19

Но Иуда чужанкотыр тшӧтш торкаліс аслас Господь Енлысь тшӧктӧмъяссӧ да оліс израильсаяс моз.

Микей 6:7

Шогмана-ӧ лоӧ Господьлы, вая кӧ сюрс межӧс, вая кӧ ю моз визувтысь олив вый? Сета ӧмӧй ассьым медводдза чужысьӧс лёк вӧчӧмӧй вӧсна, сьӧлӧмувса кагаӧс – мыжӧй вӧсна?

Ӧксыяслӧн 4 небӧг 17:16

Найӧ кежисны Господьлӧн, асланыс Енлӧн, тшӧктӧмъясысь, вӧчисны аслыныс кык зарни ӧшкӧс, сувтӧдісны юрбитан пуяс, юрбитісны енэжвыв вынъяслы да Вааллы.

Ӧксыяслӧн 4 небӧг 21:9

Но Израиль войтыр эз кывзысь Господьлысь. Манассей кежӧдіс найӧс лёкас. Найӧ вӧчисны лёксӧ унджык на сійӧ войтыръясыс дорысь, кодъясӧс Господь бырӧдіс Израиль войтыр водзысь.

Исай 57:5

Тіян лёкколӧмныд ӧзъялӧ пашкыр пуяс пӧвстын, быд веж пу улын. Ассьыныд челядьнытӧ ті ваянныд вись пыдди шоръяс дорын да керӧс потасъясын.