Ӧксыяслӧн 4 небӧг 15:5 - Коми Библия 2023

⁵ Та вӧсна Господь мыждіс ӧксыӧс. Аслас кулан лунӧдз сійӧ висис проказаӧн да оліс торъя керкаын. Ӧксы керкаӧн да Иуда войтырӧн веськӧдліс сылӧн Иотам пиыс.

Ӧксыяслӧн 4 небӧг 15:5 Referans Kwoze

Левит 13:46

Кытчӧдз мортыс висьӧ проказаӧн, сійӧ пеж. Сылы колӧ овны торйӧн, чомъяс сайын.

Лыд 12:14

Господь вочавидзис Мӧисейлы: «Батьыс кӧ сьӧлыштіс сылы чужӧмас, сійӧ эськӧ сизим лун чӧж вӧлі янӧдӧм улын. Сідзкӧ, вӧтлӧй сійӧс чомъяс сайӧ сизим лун кежлӧ, а сэсся мед бӧр локтас».

Псалтыр 72:1

Асафлӧн псалом. Енмыс сэтшӧм бур Израиль войтыр дінӧ, сӧстӧм сьӧлӧмаяс дінӧ!

Иов 34:19

Сійӧ оз сулав юралысьяс дор, озырӧс оз пукты гӧль дорысь вылӧджык, ӧд ставныс найӧ – Сылӧн вӧчӧмторъяс.

Ӧксыяслӧн 4 небӧг 7:3

Карса дзиръя дорын пукалісны проказаӧн висьысь нёль морт. Найӧ шуалісны ӧта-мӧдныслы: «Мый ми пукалам тані да виччысям ассьыным кулӧмнымӧс.

Ӧксыяслӧн 4 небӧг 5:27

Нееманлӧн проказаыс мед пыр кежлӧ вуджас тэ вылӧ да тэнад рӧд вылӧ». Гезий петіс Елисей ордысь. Сылӧн вир-яйыс вӧлі вевттьысьӧма лым кодь еджыд проказаӧн.

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Ӧксыяслӧн 3 небӧг 3:9

Сідзкӧ, сет меным сюсь вежӧр, медым ме веськыда мыжді Тэнсьыд войтыртӧ да кужи торйӧдны бурсӧ лёксьыс. Ӧд вермас-ӧ кодкӧ веськӧдлыны Тэнад уна лыда войтырӧн?»

Ӧксыяслӧн 2 небӧг 8:15

Давид ӧксыаліс став Израиль муын. Ассьыс войтырсӧ мыждігӧн сійӧ быдӧнкӧд вӧлі веськыд.

Ӧксыяслӧн 2 небӧг 3:29

Мыжыс мед кольӧ Йоав да став сылӧн рӧд вылӧ! Йоав рӧдысь мед оз бырлыны лёквиялӧмӧн висьысь айулов, проказаӧн висьысьяс, беддьӧн ветлӧдлысьяс, шыпурт улӧ шедысьяс да нянь абутӧмла тшыгъялысьяс».

Индӧд 24:8

Проказа висьӧм дырйи ставсӧ вӧчӧй [Индӧд серти], кыдзи велӧдасны тіянӧс поп-левитъяс. Ставсӧ вӧчӧй сідзи, кыдзи ме тшӧкті налы.

Лыд 12:10

Кор кымӧрыс вешйис вежа чом весьтысь, Мирьямлӧн вир-яйыс ставнас вевттьысис лым кодь еджыд проказаӧн. Аарон бергӧдчис Мирьямлань да аддзис, мый сійӧ вевттьысьӧма проказаӧн.

Ӧксыяслӧн 4 небӧг 15:6

Азарий ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма иудаса ӧксыяслӧн каднебӧгӧ.

1 Каднебӧг 5:17

Гадсянь чужысьяслысь став тайӧ нимъяссӧ вӧлі лыддьӧдлӧма чужанвуж гижӧдын иудаса Иотам ӧксылӧн да израильса Еровам ӧксылӧн веськӧдлан кадӧ.

Осий 1:1

Берлӧн Осий пилы вӧлі Господьсянь кыв, кор Иуда муын сьӧрсьӧн-бӧрсьӧн юралісны Озей, Иотам, Ахаз да Езекей ӧксыяс, а Израиль муын юраліс Еровам ӧксы, Йоаслӧн пиыс.

Микей 1:1

Морешетса Микейлы вӧлі Господьсянь кыв. Сійӧ кадӧ иудаса ӧксыӧн вӧлі Иотам, сэсся – Ахаз, а Ахаз бӧрын – Езекей. Микей аддзыліс Самария да Ерусалим йылысь петкӧдчылӧм.

Ӧксыяслӧн 4 небӧг 15:32

Израильса Пеках ӧксылӧн, Ремаль пилӧн, мӧд веськӧдлан воӧ Иуда муын ӧксыӧ пуксис Озейлӧн Иотам пиыс.

1 Каднебӧг 3:12

Йоаслӧн – Амасей, Амасейлӧн – Азарий, Азарийлӧн – Иотам,