Ӧксыяслӧн 4 небӧг 15:30 - Коми Библия 2023

³⁰ Ремальлӧн Пеках пилы паныд кыпӧдчис Элайлӧн Осий пиыс да виис сійӧс. Ачыс сы пыдди пуксис ӧксыӧ. Тайӧ вӧлі иудаса Озей Иотам ӧксылӧн кызьӧд веськӧдлан воӧ.

Ӧксыяслӧн 4 небӧг 15:30 Referans Kwoze

Ӧксыяслӧн 4 небӧг 17:1

Иудаса Ахаз ӧксылӧн дас кыкӧд веськӧдлан воӧ Израиль муын ӧксыӧ пуксис Элайлӧн Осий пиыс. Ӧкмыс во чӧж сійӧ юраліс Самария карын.

Осий 10:15

Тадзи лоас тіянлы Вефиль вӧсна, тіян пежсьыс-пеж уджъяссьыныд. Кыа петігӧн Израильлысь ӧксыӧс лоӧ виӧма.

Осий 10:7

Ва вылысь быг моз бырас Самария аслас ӧксыкӧд.

Осий 10:3

Ӧні найӧ шуалӧны: «Миян абу ӧксыным, ӧд Господьысь ми эгӧ полӧй. А вӧлі кӧ, мый бурсӧ эськӧ сійӧ вермис вӧчны миянлы?»

Исай 8:6

– Тайӧ войтырыс нинӧмӧ пуктӧ надзӧ визувтысь Силоам ю, но ошйысьӧ Рецинӧн да Ремальлӧн пиӧн.

2 Каднебӧг 28:16

Тайӧ кадас Ахаз ӧксы мӧдӧдіс юӧр ассурса ӧксылы да корис отсавны,

Ӧксыяслӧн 4 небӧг 16:1

Израильса Пеках ӧксылӧн, Ремаль пилӧн, дас сизимӧд веськӧдлан воӧ Иуда муын ӧксыӧ пуксис Иотамлӧн Ахаз пиыс.

Ӧксыяслӧн 4 небӧг 15:25

Ремальлӧн Пеках пиыс, ӧксылӧн отсасьысь, кыпӧдчис аслас ӧксылы паныд. Самарияын ӧксы керкаын пыді жыръяс сійӧ виис ӧксыӧс, нӧшта виис Арговӧс да Арийӧс. Пекахкӧд тшӧтш вӧліны Галаадысь ветымын морт. Пекахий ӧксыӧс виӧм бӧрын Пеках пуксис сы пыдди ӧксыӧ.

Ӧксыяслӧн 4 небӧг 15:10

Явислӧн Шаллум пиыс кыпӧдчис Закар ӧксылы паныд. Виис сійӧс став войтырыс водзын да пуксис сы пыдди ӧксыӧ.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 15:31

Пеках ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма израильса ӧксыяслӧн каднебӧгӧ.

Исай 7:16

Но тайӧ кадӧдзыс на, кор Сійӧ велалас ӧтдортны лёксӧ да бӧрйыны бурсӧ, кушмасны муясыс тайӧ кык ӧксыыслӧн, кодъясысь тэ ёна полан.