Ӧксыяслӧн 4 небӧг 15:19 - Коми Библия 2023

¹⁹ Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Ӧксыяслӧн 4 небӧг 15:19 Referans Kwoze

Ӧксыяслӧн 4 небӧг 14:5

Кор Амасейлӧн юралӧмыс зумыдмис, сійӧ виис ассьыс кесйӧгъяссӧ, кодъяс виисны сылысь батьсӧ, Йоас ӧксыӧс.

Ӧксыяслӧн 4 небӧг 18:16

Крам ӧдзӧсъяс да куричьяс вылысь Езекей ӧксы перъяліс зарни эжӧдсӧ, мый коркӧ вӧчлісны сылӧн тшӧктӧм серти, да тшӧтш сетіс ассурса ӧксылы.

Осий 10:6

Найӧ нуасны бӧлбансӧ Ассурӧ Ярев ӧксылы козин пыдди. Ефремлы яндзим лоӧ, Израиль яналас аслас лӧсьӧдӧмторъясысь.

Еремей 17:5

Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Исай 9:1

Водзынджык Енмыс ёна увтыртіс Завулон му да Неффалим му, но локтана кадӧ Сійӧ вылӧ кыпӧдас саридзбердса туй, Йӧрдан юсайса му, мукӧд войтыра Галилея му.

Ӧксыяслӧн 4 небӧг 16:8

Ахаз босьтіс Господьлӧн крамысь да ӧксы керкаса озырлун видзанінъясысь став эзысь-зарнисӧ да ыстіс ассурса ӧксылы козин пыдди.

Ӧксыяслӧн 4 небӧг 12:18

Иудаса Йоас ӧксы чукӧртіс сыӧдз вӧвлӧм иудаса ӧксыяслысь – Иосафат, Иорам да Ахазий батьясыслысь – вежа вайӧмторъяссӧ, тшӧтш ассьыс вежа вайӧмторъяссӧ, нӧшта Господьлӧн крамса озырлун видзанінъясысь да ӧксы керкаса озырлун видзанінъясысь став зарнисӧ да мӧдӧдіс арамейяслӧн Азаил ӧксылы. Та бӧрын Азаил вешйис Ерусалим кар дорысь.

Осий 5:13

Кор Ефрем аддзис ассьыс висьӧмсӧ, а Иуда – ассьыс дойяссӧ, сэки Ефрем муніс Ассурӧ, ыстіс ассьыс йӧзсӧ Ярев ӧксы дінӧ. Но сійӧ оз вермы сетны тіянлы дзоньвидзалун, оз вермы бурдӧдны дойяснытӧ.

Ӧксыяслӧн 4 небӧг 15:18

Менаим вӧчис Господь водзын шогмытӧмсӧ. Став олан лунъяс чӧжыс Менаим эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 4 небӧг 15:20

Эзысьсӧ Менаим чукӧртіс израильса озыр йӧзлысь. Быдӧнлы колӧ вӧлі вайны ветымын сикель эзысь, мед сетны ассурса ӧксылы. Та бӧрын ассурса ӧксы эновтіс Израиль му да бӧр муніс аслас муӧ.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Псалтыр 83:8

Найӧ восьлалӧны да вынсялӧны, локтӧны Ен водзӧ Сионӧ.

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Езекиль 23:5

Огола вӧлі Менам, но кырсаліс. Сылӧн лёкколӧмыс ӧзъяліс мусукъяс дінас, орччӧн олысь ассурсаяс дінӧ.