Ӧксыяслӧн 4 небӧг 14:26 - Коми Библия 2023

²⁶ Господь аддзис, кутшӧма сьӧкыдалӧ Израиль войтыр – ичӧтсянь ыджыдӧдз некод эз коль, медым отсавны Израильлы.

Ӧксыяслӧн 4 небӧг 14:26 Referans Kwoze

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Ӧксыяслӧн 4 небӧг 13:4

Иохаз кевмысис Господьлы, и Господь кыліс сійӧс, ӧд аддзис, кутшӧм чорыда дзескӧдӧ Израиль войтырӧс арамейяслӧн ӧксыыс.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Ӧксыяслӧн 3 небӧг 21:21

Господь тадзи висьталӧ: ”Ме ыста тэ вылӧ ыджыд шог. Ме вужнас нетшышта тэнӧ да бырӧда Израильысь тэсянь чужысь став айуловсӧ ичӧтсянь ыджыдӧдз.

Ӧксыяслӧн 3 небӧг 14:10

Та вӧсна Ме ыста ыджыд шог Еровам рӧд вылӧ. Ме бырӧда сылысь рӧдсӧ Израильысь, бырӧда став айуловсӧ ичӧтсянь ыджыдӧдз. Куйӧдӧс моз Ме шыбита сылысь рӧдсӧ.

Ёрдысьяс 10:16

Найӧ эновтісны мукӧд енъясӧс да кутісны кесъявны [сӧмын] Господьлы. Сэки Господь эз нин вермы видзӧдны, кыдзи вӧрӧг дзескӧдӧ Израильӧс.

Петӧм 3:9

Израиль войтырлӧн горзӧмыс воис Меӧдз. Ме аддза, кыдзи египетсаяс топӧдӧны найӧс.

Ӧксыяслӧн 4 небӧг 9:8

Ахавлӧн рӧдыс бырас. Ме бырӧда Израильын Ахав рӧдысь став айуловсӧ ичӧтсянь ыджыдӧдз.

Ӧксыяслӧн 4 небӧг 13:23

Но Господь бурсьӧлӧмтчис израильсаяс дінӧ. Ӧвраамкӧд, Исааккӧд да Яковкӧд кӧрталӧм йитӧдыс вӧсна Сійӧ петкӧдліс на дінӧ Ассьыс буралӧмсӧ. Господь эз кӧсйы бырӧдны израильсаясӧс, эз на вӧтлы найӧс Аслас чужӧмбан водзысь.

Псалтыр 107:12

Он-ӧ Тэ, Енмӧй? Но Тэ, Енмӧй, эновтін миянӧс, миян тышкайӧзкӧд ӧтвыв эн пет тышӧ.

Езекиль 22:30

Ме корси Ерусалимысь мортӧс, коді эськӧ ёнмӧдіс стенсӧ, сувтіс Ме водзӧ да сулаліс стен киссьӧминын, медым Ме эг бырӧд мусӧ. Но Ме эг аддзы.