Ӧксыяслӧн 4 небӧг 14:19 - Коми Библия 2023

¹⁹ Йӧзыс кыпӧдчисны Амасейлы паныд Ерусалимын, и сійӧ пышйис Лакиш карӧ. Но паныд кыпӧдчысьяс мӧдӧдісны сэтчӧ ассьыныс йӧзсӧ, и сэні найӧ виисны Амасейӧс.

Ӧксыяслӧн 4 небӧг 14:19 Referans Kwoze

Нав Исус 10:31

Ливна карысь Исус мӧдӧдчис израильса тышкайӧзкӧд Лакиш карӧ. Найӧ сувтісны карыслы воча да уськӧдчисны сы вылӧ.

Микей 1:13

Лакишын олысьяс, доддялӧй вӧвъяснытӧ тарантасӧ! Тіянсянь Сион нывлӧн мыжыс, тіянсянь Израиль войтырлӧн лёк вӧчӧмыс.

Ӧксыяслӧн 4 небӧг 21:23

Амонлӧн кесйӧгъясыс кыпӧдчисны сылы паныд да виисны сійӧс аслас керкаас.

Ӧксыяслӧн 4 небӧг 18:17

Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс, тышкайӧзӧн веськӧдлысьӧс, ыджыд чинаясӧн веськӧдлысьӧс да ассьыс эскана мортӧс. Кор найӧ воисны Ерусалимӧ, сувтісны вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Ӧксыяслӧн 4 небӧг 18:14

Иудаса Езекей ӧксы ыстіс Лакишӧ ассурса ӧксылы юӧр: «Ме мыжа тэ водзын. Кута мынтыны тэныд вот, мыйта шуан, сӧмын дугды дзескӧдны менӧ». Ассурса ӧксы тшӧктіс иудаса Езекей ӧксылы мынтыны куимсё талант эзысь да комын талант зарни.

Ӧксыяслӧн 4 небӧг 15:30

Ремальлӧн Пеках пилы паныд кыпӧдчис Элайлӧн Осий пиыс да виис сійӧс. Ачыс сы пыдди пуксис ӧксыӧ. Тайӧ вӧлі иудаса Озей Иотам ӧксылӧн кызьӧд веськӧдлан воӧ.

Ӧксыяслӧн 4 небӧг 15:25

Ремальлӧн Пеках пиыс, ӧксылӧн отсасьысь, кыпӧдчис аслас ӧксылы паныд. Самарияын ӧксы керкаын пыді жыръяс сійӧ виис ӧксыӧс, нӧшта виис Арговӧс да Арийӧс. Пекахкӧд тшӧтш вӧліны Галаадысь ветымын морт. Пекахий ӧксыӧс виӧм бӧрын Пеках пуксис сы пыдди ӧксыӧ.

Ӧксыяслӧн 4 небӧг 15:14

Гадилӧн Менаим пиыс локтіс Тирза карысь да уськӧдчис Самария кар вылӧ. Сэні сійӧ виис Явислысь Шаллум писӧ да пуксис сы пыдди ӧксыӧ.

Ӧксыяслӧн 4 небӧг 15:10

Явислӧн Шаллум пиыс кыпӧдчис Закар ӧксылы паныд. Виис сійӧс став войтырыс водзын да пуксис сы пыдди ӧксыӧ.

Нав Исус 10:3

Та вӧсна ерусалимса Адони-Седек ӧксы мӧдӧдаліс ассьыс йӧзсӧ хевронса Гогам ӧксы дінӧ, ярмутса Фирам ӧксы дінӧ, лакишса Яфий ӧксы дінӧ да эглонса Девир ӧксы дінӧ висьтавны:

Нав Исус 15:39

Лакиш, Боцкат, Эглон,

Ӧксыяслӧн 4 небӧг 14:18

Амасей ӧксыалӧм дырйи мукӧд лоӧмторъяс йылысь гижӧма иудаса ӧксыяслӧн каднебӧгӧ.

Ӧксыяслӧн 4 небӧг 14:20

Амасейлысь шойсӧ вайисны вӧв вылын Ерусалимӧ да дзебисны сійӧс Давид карӧ батьясыскӧд орччӧн.

Еремей 34:7

Буретш тайӧ кадас вавилонса ӧксылӧн тышкайӧзыс кытшалісны Ерусалим, Лакиш да Азека каръяс. Иудаса став каръяс пӧвстысь сӧмын тайӧ изкаръяссӧ абу вӧлі пасьвартӧма.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.