Ӧксыяслӧн 4 небӧг 14:14 - Коми Библия 2023

¹⁴ Йоас ӧксы петкӧдіс Господьлӧн крамысь да ӧксы керкаса озырлун видзанінъясысь став эзысь-зарнисӧ да дозмук-кӧлуйсӧ. Сійӧ босьтіс аскӧдыс Амасейлӧн тӧдчана йӧз пӧвстысь ӧткымынӧс, медым Амасей эз кыпӧдчы сылы паныд. Сэсся Йоас бӧр муніс Самарияӧ.

Ӧксыяслӧн 4 небӧг 14:14 Referans Kwoze

Ӧксыяслӧн 3 небӧг 14:26

Сійӧ босьтіс Господьлӧн крамысь да ӧксылӧн керкаысь став озырлунсӧ [тшӧтш зарни сайӧдъяс, кодъясӧс Давид босьтліс цоваса Ададезер ӧксылӧн кесйӧгъяслысь да вайис Ерусалимӧ]. Босьтіс тшӧтш Соломонӧн вӧчӧдӧм зарни сайӧдъяссӧ.

Ӧксыяслӧн 3 небӧг 7:51

Господьлысь крам лэптӧмсӧ помалӧм бӧрын Соломон ӧксы вайис сэтчӧ Давид батьыслысь вежа козинъяс. Эзысь-зарни да дозмук-кӧлуйсӧ сійӧ пуктіс Господьлӧн крамса озырлун видзанінӧ.

Ӧксыяслӧн 4 небӧг 25:15

Ӧксыӧс видзысьяслӧн юралысь босьтіс зарниысь да эзысьысь вӧчӧм дозмук: ӧгыр пӧртъяс да вир резан тасьтіяс.

Ӧксыяслӧн 4 небӧг 24:13

Навукодоносор босьтіс Господьлӧн крамысь да ӧксы керкаысь став озырлунсӧ. Сійӧ жугліс став зарни дозмук-кӧлуйсӧ, мый коркӧ вӧчліс израильса Соломон ӧксы Господьлӧн крамын кесъялӧм вылӧ. Тадзи иніс Господьлӧн шуӧмыс.

Ӧксыяслӧн 4 небӧг 18:23

Ассурса ӧксылӧн эскана морт водзӧ тшӧктіс висьтавны Езекейлы: «Ӧтувтчы менам ыджыдкӧд, ассурса ӧксыкӧд. Ме сета тэныд кык сюрс вӧв, сюрас кӧ тэнад та мында верзьӧмаыс.

Ӧксыяслӧн 4 небӧг 12:18

Иудаса Йоас ӧксы чукӧртіс сыӧдз вӧвлӧм иудаса ӧксыяслысь – Иосафат, Иорам да Ахазий батьясыслысь – вежа вайӧмторъяссӧ, тшӧтш ассьыс вежа вайӧмторъяссӧ, нӧшта Господьлӧн крамса озырлун видзанінъясысь да ӧксы керкаса озырлун видзанінъясысь став зарнисӧ да мӧдӧдіс арамейяслӧн Азаил ӧксылы. Та бӧрын Азаил вешйис Ерусалим кар дорысь.

Ӧксыяслӧн 3 небӧг 15:18

Аса босьтіс Господьлӧн крамса да ӧксы керкаса озырлун видзанінъясысь коляс эзысь-зарнисӧ да мӧдӧдіс ассьыс кесйӧгъяссӧ нуны ставсӧ Дамаскӧ арамейяслӧн Бен-Хадад ӧксылы, Хезион Тавриммонлӧн пиыслы. Тшӧктіс висьтавны сылы: