Ӧксыяслӧн 4 небӧг 13:23 - Коми Библия 2023

²³ Но Господь бурсьӧлӧмтчис израильсаяс дінӧ. Ӧвраамкӧд, Исааккӧд да Яковкӧд кӧрталӧм йитӧдыс вӧсна Сійӧ петкӧдліс на дінӧ Ассьыс буралӧмсӧ. Господь эз кӧсйы бырӧдны израильсаясӧс, эз на вӧтлы найӧс Аслас чужӧмбан водзысь.

Ӧксыяслӧн 4 небӧг 13:23 Referans Kwoze

Псалтыр 105:8

Но Аслас нимыс вӧсна Господь мездіс найӧс, петкӧдліс Ассьыс ыджыд вынсӧ.

Ӧксыяслӧн 4 небӧг 14:27

Но Господь эз кӧсйы дзикӧдз бырӧдны Израиль войтырӧс енэж увсьыс, та вӧсна мездіс найӧс Йоаслӧн Еровам пиыс пыр.

Ӧксыяслӧн 4 небӧг 24:20

Иуда муын да Ерусалим карын олысьяс вылӧ Господьлӧн скӧрлуныс вӧлі сэтшӧм ыджыд, мый вӧтліс найӧс Аслас чужӧмбан водзысь. Седекей кыпӧдчис вавилонса ӧксылы паныд.

Ӧксыяслӧн 4 небӧг 17:18

Господь чорыда скӧрмис Израиль войтыр вылӧ, вештіс найӧс Аслас чужӧмбан водзысь, а колис сӧмын Иуда чужанкотырӧс.

Ӧксыяслӧн 3 небӧг 8:28

Господьӧй Енмӧй, бергӧдчы Аслад кесйӧглань да кывзы сылысь корӧмсӧ! Кыв Аслад кесйӧглысь Тэ водзын талун кевмысьӧмсӧ!

2 Фессалоникаӧ 1:9

Найӧс лоӧ мыждӧма пыр кежлӧ кулӧм вылӧ, торйӧдӧма Господьысь, Сылӧн дзирдлунысь да вынысь.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Бӧрданкыв 3:32

Мӧдӧдӧ кӧ шогсӧ, Сійӧ и бурсьӧлӧмтчӧ, ӧд Сылӧн бурлуныс ыджыд.

Еремей 12:15

Но нетшыштӧм бӧрын Ме бара бурсьӧлӧмтча тайӧ войтыръясыс дінӧ да быд войтырӧс бергӧда аслас муӧ.

Псалтыр 51:11

Енмӧй, кута помтӧг ошкыны Тэнӧ став уджсьыд. Тэнад эскана войтырыдкӧд понда лача кутны бур нимыд вылӧ.

Ёрдысьяс 10:16

Найӧ эновтісны мукӧд енъясӧс да кутісны кесъявны [сӧмын] Господьлы. Сэки Господь эз нин вермы видзӧдны, кыдзи вӧрӧг дзескӧдӧ Израильӧс.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Левит 26:42

Сэки Ме тӧд вылӧ уськӧда Яковкӧд кӧрталӧм йитӧдӧс, Исааккӧд кӧрталӧм йитӧдӧс да Ӧвраамкӧд кӧрталӧм йитӧдӧс, казьтышта налӧн муыс йылысь.

Петӧм 33:19

Господь вочавидзис Мӧисейлы: «Ме муна Аслам дзирдлунӧн тэ водзын да юӧрта тэныд, мый Менам нимӧй – Господь. Код дінӧ кӧсъя бурсьӧлӧмтчыны, бурсьӧлӧмтча. Код дінӧ кӧсъя буравны, бурала».

Олӧм 6:3

Господь [Ен] шуис: «Менам лолалӧмӧй морт пытшкын оз пыр ло, ӧд мортыс сӧмын вир-яй. Сылӧн олан кадыс мед лоӧ сё кызь во».

Ӧксыяслӧн 4 небӧг 13:24

Арамейяслӧн Азаил ӧксылӧн кулӧм бӧрын ӧксыӧ пуксис сылӧн Бен-Хадад пиыс.

Ӧксыяслӧн 4 небӧг 13:4

Иохаз кевмысис Господьлы, и Господь кыліс сійӧс, ӧд аддзис, кутшӧм чорыда дзескӧдӧ Израиль войтырӧс арамейяслӧн ӧксыыс.

Ӧксыяслӧн 4 небӧг 14:26

Господь аддзис, кутшӧма сьӧкыдалӧ Израиль войтыр – ичӧтсянь ыджыдӧдз некод эз коль, медым отсавны Израильлы.

Ӧксыяслӧн 4 небӧг 17:20

Господь бергӧдчис Израильлӧн став чужанкотырысь, ыстіс налы уна шог да сетіс найӧс куштысь-мырддялысьяс киӧ. Сійӧ вӧтліс найӧс Аслас чужӧмбан водзысь.

Ӧксыяслӧн 4 небӧг 17:23

кытчӧдз Господь эз вешты найӧс Аслас чужӧмбан водзысь. Та йылысь Сійӧ водзвыв висьтавліс пророкъяс пыр, кодъяс кесъялісны Сылы. Израильсаясӧс вӧлі нуӧдӧма асланыс муысь Ассурӧ, кӧні найӧ ӧнӧдз олӧны.

Псалтыр 105:9

Господь тшӧктіс Гӧрд саридзлы, и сійӧ косьмис. Сэки Господь нуӧдіс найӧс саридз пыдӧсӧд косінті моз.