Ӧксыяслӧн 4 небӧг 11:19 - Коми Библия 2023

¹⁹ Иодай поп босьтіс аскӧдыс тышкайӧзӧн веськӧдлысьясӧс, ӧксыӧс видзысьясӧс да став войтырсӧ, и найӧ нуӧдісны Йоас ӧксыӧс Господьлӧн крамысь. Найӧ пырисны Видзысьяслӧн дзиръяӧд ӧксы керкаӧ. Сэні Йоас пуксис юралан пуклӧсӧ.

Ӧксыяслӧн 4 небӧг 11:19 Referans Kwoze

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Матвей 19:28

Исус шуис: «Веськыда висьтала тіянлы: выль олӧмын Морт Пи пуксяс дзирдлуныслӧн юралан пуклӧсӧ. Тшӧтш ті, Ме бӧрся мунысьяс, пуксянныд дас кык юралан пуклӧсӧ мыждыны израильса дас кык чужанкотырӧс.

Еремей 22:30

Господь тадзи висьталӧ: Еконей йылысь гижӧй, мый сылӧн ныв-пиыс эз вӧв, став олӧм чӧжыс сылӧн нинӧм эз артмы, ӧд сысянь чужысь оз пуксьы Давидлӧн юралан пуклӧсӧ, оз кут юравны Иуда муын.

Еремей 22:4

Ті кӧ кутанныд овны тайӧ кывъясыс серти, сэки тайӧ керка дзиръяӧд пырасны ӧксыяс, кодъяс пукалӧны Давидлӧн юралан пуклӧсын. Найӧ локтасны тайӧ карас тарантасъясӧн да вӧвъясӧн. Накӧд тшӧтш локтасны налӧн кесъялысьясыс да налӧн войтырыс.

Еремей 17:25

сэки тайӧ карас локтасны асланыс йӧзкӧд ӧксыяс, кодъяс пукалӧны Давидлӧн юралан пуклӧсын. Найӧ пырасны карса дзиръяӧд тарантасъясӧн да вӧвъясӧн. Накӧд тшӧтш локтасны Иудаын да Ерусалимын олысьяс, и тайӧ карас пыр лоӧны олысьяс.

2 Каднебӧг 23:19

Господьлӧн крам дзиръяяс дорӧ Иодай сувтӧдіс видзысьясӧс, медым крамӧ эз пыр некод, коді абу вӧлі сӧстӧммӧдчӧма.

2 Каднебӧг 23:5

нӧшта коймӧд юкӧныс мед видзас ӧксылысь керкасӧ, и бӧръя коймӧд юкӧныс мед видзас Есод нима дзиръя. Став войтырыс мед лоас Господьлӧн крам йӧрын.

1 Каднебӧг 29:23

Соломон пуксис Господьлӧн юралан пуклӧсӧ, сійӧ лои ӧксыӧн аслас Давид батьыс пыдди. Сылӧн ставыс артмис, и Израиль войтыр кывзысис сылысь.

Ӧксыяслӧн 3 небӧг 1:13

Мун Давид ӧксы дінӧ да шу сылы: ”Ӧксыӧй-ыджыдӧй, тэ кыв сетлін меным, аслад кесйӧглы, мый менам Соломон пиӧй лоӧ ӧксыӧн тэ бӧрти да пуксяс тэнад юралан пуклӧсӧ. Мыйла нӧ Адоний лои ӧксынас?”

Олӧм 37:36

Египетын мадиансаяс вузалісны Ӧсипӧс фараонлӧн ыджыд чина мортлы – Потифарлы, фараонӧс видзысьясӧн веськӧдлысьлы.

2 Каднебӧг 23:20

Иодай поп босьтіс аскӧдыс тышкайӧзӧн веськӧдлысьясӧс, тӧдчана йӧзӧс, войтырӧн веськӧдлысьясӧс да став войтырсӧ и нуӧдіс Йоас ӧксыӧс Господьлӧн крамысь. Найӧ пырисны Вылыс дзиръяӧд ӧксы керкаӧ. Сэні пуксьӧдісны ӧксыӧс юралан пуклӧсӧ.

Ӧксыяслӧн 3 небӧг 14:27

На пыдди Ровоам ӧксы вӧчӧдіс ыргӧн сайӧдъяс да сетіс найӧс веськӧдлысьяслы, кодъяс видзӧдісны ӧксы керкаӧ пыранін видзысьяс бӧрся.