Ӧксыяслӧн 4 небӧг 10:31 - Коми Библия 2023

³¹ Но Еху эз зіль став сьӧлӧмсяньыс овны Господьлӧн, Израиль Енлӧн, Индӧд серти. Еху эз эновтчы сійӧ мыжъяссьыс, мыйӧн Еровам коркӧ кежӧдіс Израиль войтырӧс мыжас.

Ӧксыяслӧн 4 небӧг 10:31 Referans Kwoze

Ӧксыяслӧн 4 небӧг 10:29

Но Еху эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас, эз бырӧд Вефильысь да Данысь зарни ӧшъяс.

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Еврейяслы 2:1

Та вӧсна миянлы ёнджыка на колӧ кутчысьны кывлӧмаыс дінӧ, медым эгӧ ылалӧй.

Псалтыр 78:10

Мыйла лэдзан войтыръяслы шуасьны: «Кӧні налӧн Енмыс?» Тэнад кесйӧгъяслысь вирсӧ кисьтӧмысь сет миянлы аддзыны водзӧс перйӧмтӧ. Та йылысь мед тӧдмаласны войтыръяс!

Даниил 9:10

Ми эгӧ кывзысьӧй Тэнсьыд, Господьӧй, миян Енмӧй, эгӧ олӧй Тэнад тшӧктӧмъяс серти, мый Тэ сетін пророкъяс пыр, кодъяс кесъялісны Тэныд.

Езекиль 36:27

Ассьым лолӧс пукта тіян пытшкӧ да вӧча сідз, мый ті кутанныд овны Менам индӧд-тшӧктӧмъяс серти.

Псалтыр 39:1

Сьылысьясӧн веськӧдлысьлы. Давидлӧн псалом.

Неемий 10:29

ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

2 Каднебӧг 6:16

Господьӧй, Израильлӧн Енмӧй, збыльмӧд тшӧтш Ассьыд мӧд кӧсйысьӧмтӧ, мый Тэ шулін Аслад кесйӧглы, менам Давид батьлы. Тэ ӧд шулін сылы: ”Тэсянь чужысьяс кӧ тэ моз кутасны ветлыны веськыд туйӧд да овны Менам Индӧд серти, сэки на пӧвстысь пыр лоӧ ӧксы, коді кутас веськӧдлыны Израиль войтырӧн Ме водзын”.

Ӧксыяслӧн 4 небӧг 3:3

Но Иорам эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас.

Ӧксыяслӧн 3 небӧг 14:16

Еровамлӧн мыж вӧчӧмысь да Израиль войтырӧс мыжас кежӧдӧмысь Господь эновтас Израильӧс».

Ӧксыяслӧн 3 небӧг 2:4

И Господь збыльмӧдас Ассьыс кывсӧ, мый висьтавліс ме йылысь. Сійӧ шуліс: ”Тэсянь чужысьяс кӧ кутасны ветлыны веськыд туйӧд да став сьӧлӧмнас овны Ме водзын веськыда, сэки тэнад рӧдысь пыр лоӧ ӧксы, коді кутас веськӧдлыны Израиль войтырӧн”.

Индӧд 5:33

Олӧй сідзи, кыдзи тшӧктӧ Господь, тіян Енныд, медым тіянлы вӧлі бур и ті дыр олінныд сійӧ муас, мый босьтанныд аслыныд».

Индӧд 4:23

Видзчысьӧй, медым энӧ вунӧдӧй асланыд Господь Енлысь йитӧдсӧ, мый Сійӧ кӧрталіс тіянкӧд, да энӧ вӧчӧй аслыныд некутшӧм бӧлбанӧс да серпасалӧм идолӧс. Та йылысь ӧлӧдіс тіянӧс Господь, тіян Енныд.

Индӧд 4:15

Кор Господь Хорив керӧсын сёрнитіс тіянкӧд би пытшсянь, ті Сійӧс энӧ аддзылӧй. Сідзкӧ, ас бӧрсяныд сюся видзӧдӧй,

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

Ӧксыяслӧн 4 небӧг 17:22

Израильсаяс вӧчисны сійӧ жӧ мыжъяссӧ, мый вӧчліс Еровам. Найӧ эз эновтчыны тайӧ мыжъяссьыс,