Ӧксыяслӧн 4 небӧг 1:16 - Коми Библия 2023

¹⁶ Ӧксылы Илля шуис: «Господь тадзи висьталӧ: ”Израильын ӧмӧй абу Енмыс, кодлысь позьӧ юавны? Тэ мӧдӧдін йӧзтӧ юасьны экронса Ваал-Зевув енлысь. Та вӧсна тэ он чеччы вольпась вывсьыд, кӧні куйлан. Тэ кулан”».

Ӧксыяслӧн 4 небӧг 1:16 Referans Kwoze

Псалтыр 132:3

Тайӧ – Ермон керӧсвывса лысва кодь, сійӧ усьӧ сионса керӧсъяс вылӧ. Сионлы Господь сетіс бурсиӧм да помтӧм олӧм.

Ӧксыяслӧн 4 небӧг 5:21

Гезий котӧртіс суӧдны Нееманӧс. Нееман кор аддзис сылань котӧртысьӧс, чеччис тарантассьыс да воча петіс сылы. Нееман юаліс: «Мыйкӧ лоис?»

Ӧксыяслӧн 3 небӧг 22:28

Микей шуис ӧксылы: «Тэ кӧ локтан тыш вылысь ловйӧн, сідзкӧ, эз Господь ме пыр сёрнит». Нӧшта шуис: «Кывзӧй, войтыръяс!»

Ӧксыяслӧн 4 небӧг 1:6

Найӧ вочавидзисны: «Миянлы паныдасис морт, коді тшӧктіс миянлы бӧр бергӧдчыны ӧксыным дінӧ да шуны, мый Господь тадзи висьталӧ: ”Мыйла тэ мӧдӧдін ассьыд йӧзтӧ юасьны экронса Ваал-Зевув енлысь? Израильын ӧмӧй абу Енмыс? Тэ он чеччы вольпась вывсьыд, кӧні куйлан. Тэ кулан”».

Езекиль 14:4

Шу налы, мый Господь Ыджыдыс тадзи висьталӧ: Израиль войтырысь кӧ кодкӧ сьӧлӧмнас кӧртасяс идолъяс дінӧ да син водзас сувтӧдас мыжас уськӧдантор, а сэсся локтас пророк дінӧ, татшӧм мортлы Ме, Господь, вочавидза сідзи, кыдзи колӧ вочавидзны уна идоллы юрбитысь мортлы.

Ӧксыяслӧн 4 небӧг 8:8

Ӧксы шуис Азаиллы: «Босьт аскӧдыд козин да ветлы Енлӧн морт дінӧ. Сійӧ мед юалас Господьлысь, бурда-ӧ ме тайӧ висьӧмсьыс».

Ӧксыяслӧн 4 небӧг 8:10

Елисей вочавидзис: «Мун да висьтав сылы, мый бурдас. Но Господь восьтіс меным, мый сійӧ кулас».

Ӧксыяслӧн 4 небӧг 20:1

Сійӧ кадас Езекей чорыда висьмис да вӧлі куланвыйын. Сы дінӧ локтіс Исай пророк, Амослӧн пиыс, да шуис: «Господь тадзи висьталӧ: ”Висьтав гортсаыдлы ассьыд бӧръя кӧсйӧмтӧ, ӧд тэ он бурд, но кулан”».

Шусьӧгъяс 11:19

Веськыдлуныс вайӧдӧ олӧмӧ, но лёкас сетчысь аслыс кулӧмсӧ корсьӧ.