Ӧксыяслӧн 4 небӧг 1:13 - Коми Библия 2023

¹³ Ӧксы коймӧдысь мӧдӧдіс ветымын тышкамортӧс налӧн веськӧдлыськӧд. Веськӧдлысьыс кайис Илля дінӧ да пидзӧс вылас сувтӧмӧн корис: «Енлӧн мортӧй! Ло бур сьӧлӧма ме дінӧ да тайӧ ветымын мортыс дінӧ, аслад кесйӧгъяс дінӧ. Эн бырӧд миянӧс.

Ӧксыяслӧн 4 небӧг 1:13 Referans Kwoze

Исай 1:5

Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Яков 4:7

Сідзкӧ, сетчӧй Енмыслы, паныд сувтӧй омӧльыслы, и сійӧ пышъяс тіян дінысь.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Еклесиаст 9:3

Тайӧ и эм лёкыс шонді улас, мый став йӧзыскӧд лоӧ ӧтмоза. Мортлӧн сьӧлӧмыс тырӧма лёкнас, йӧйлуныс олӧ сы пытшкын олӧм чӧжыс, и олӧм бӧрас мортыс мунӧ кулӧмаяс дінӧ – тайӧ тшӧтш лёк.

Шусьӧгъяс 27:22

Вежӧртӧмӧс кӧть шобді тусьӧс моз гырйын той – йӧйлуныс сыысь оз торъяв.

Псалтыр 102:17

Но Господьлӧн буралӧмыс помасьлытӧм Сыысь полысьяс дінӧ,

Псалтыр 72:14

Быд лун менӧ дойдалӧны, быд асыв – янӧдӧны».

Ӧксыяслӧн 3 небӧг 13:6

Еровам ӧксы шыасис Енлӧн морт дінӧ: «Кевмысь ме вӧсна аслад Господь Енлы, медым Сійӧ бурсьӧлӧмтчас ме дінӧ да бурдӧдас менсьым киӧс». Енлӧн морт кевмысис Господьлы, и ӧксылӧн киыс бурдіс да пондіс важ мозыс куснясьны.

Ӧксыяслӧн 1 небӧг 26:21

Саул шуис: «Ме мыжа. Лок бӧр, Давид пиӧй. Ме сэсся ог кут вӧчны тэныд лёксӧ, ӧд тэ эн босьт менсьым олӧмӧс. Шогмытӧмтор ме вӧчи, нем думышттӧг».

Петӧм 11:8

Став тэнад йӧзыд локтасны меным копыртчыны да корасны менӧ петны татысь войтырӧйкӧд. Сэки ме пета». И Мӧисей муніс фараон дінысь скӧрмӧмӧн.

Ӧксыяслӧн 4 небӧг 1:12

Илля вочавидзис: «Ме кӧ Енлӧн морт, мед лэччас енэжсяньыс би да сотас тэнӧ да тэнсьыд ветымын тышкаморттӧ». Сэки енэжсяньыс лэччис Енлӧн би да сотіс тышкакотырӧн веськӧдлысьӧс да сылысь йӧзсӧ.

Ӧксыяслӧн 4 небӧг 1:14

Ме тӧда, мый енэжсяньыс лэччис би да сотіс кык тышкакотырсӧ да налысь веськӧдлысьяссӧ. Но ӧні ло бур сьӧлӧма ме дінӧ. Эн бырӧд миянӧс».

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.