Ӧксыяслӧн 4 небӧг 1:10 - Коми Библия 2023

¹⁰ Илля вочавидзис: «Ме кӧ Енлӧн морт, мед лэччас енэжсяньыс би да сотас тэнӧ да тэнсьыд ветымын тышкаморттӧ». Сэки енэжсяньыс лэччис би да сотіс тышкакотырӧн веськӧдлысьӧс да сылысь йӧзсӧ.

Ӧксыяслӧн 4 небӧг 1:10 Referans Kwoze

Лука 9:54

Яков да Иоан – Исуслӧн велӧдчысьясыс – тайӧс кылӧм бӧрын шуисны: «Господьӧй, кӧсъян кӧ, ми би корам енэжсяньыс, мед бырӧдны найӧс? Буретш тадзи Илля вӧчліс».

Даниил 3:25

Азарий сувтіс кевмысьны би пытшкас. Сійӧ шуис:

Еврейяслы 12:29

ӧд миян Енным – ставсӧ сотысь би.

Даниил 3:22

Ӧксылӧн чорыд тшӧктӧм серти пачсӧ вӧлі ломтӧмаӧсь сэтшӧм жара, мый биыс кувтӧдзныс сотіс сійӧ йӧзсӧ, кодъяс шыблалісны пачӧ Шадракӧс, Мешакӧс да Аведнегоӧс.

Восьтӧм 11:5

Кӧсъяс кӧ кодкӧ налы лёк вӧчны, на вомысь петас би да ньылыштас найӧс мустӧмтысьясӧс. Тадзи налы лёк вӧчысьясӧс лоӧ бырӧдӧма.

Псалтыр 106:18

Найӧ зывӧктісны сёяннысӧ, воисны куланвыйӧдз.

Иов 1:16

Сылӧн сёрнитігӧн локтіс мӧд юӧртысь да шуис: «Енлӧн би лэччис енэжсянь, сотіс ыж-кӧзатӧ да кесйӧгъястӧ. Сӧмын ме ловйӧн коли, медым юӧртны тэныд».

Ап. уджъяс 12:19

Ирӧд корсис Петырӧс, но ставыс вӧлі весьшӧрӧ. Видзысьясӧс юасьӧм бӧрын сійӧ тшӧктіс вины найӧс. Сэсся Ирӧд муніс Иудеяысь Кесарияӧ да кольччис сэтчӧ.

Матвей 21:41

Сылы вочавидзисны: «Тайӧ лёк йӧзсӧ сійӧ лёкнога виас. Виноград йӧрсӧ кӧртымӧ сетас мукӧдлы, кодъяс индӧм кадӧ сетасны сылы вотӧсысь пайсӧ».

Даниил 6:24

Ӧксы тшӧктіс вайӧдны сійӧ йӧзсӧ, кодъяс мыжалісны Даниилӧс. Найӧс, налысь челядьсӧ да гӧтыръяснысӧ шыбитісны левъяслӧн гуӧ. Найӧ эз на воны гу пыдӧсӧдзыс, левъяс уськӧдчисны на вылӧ, косявлісны найӧс да вильӧдісны налысь лыяссӧ.

Псалтыр 105:15

Енмыс сетіс налы корӧм сертиныс, но мӧдӧдіс сьӧкыд висьӧм.

2 Каднебӧг 36:16

Но найӧ лёкӧдісны Енсянь юӧртысьясӧс да нинӧмӧ пуктісны Сылысь кывъяссӧ. Найӧ омӧльтісны Енлысь пророкъяссӧ сэтчӧдз, кытчӧдз Господь эз скӧрмы Аслас войтыр вылӧ, и налы эз вӧв мездмӧмыс.

Ӧксыяслӧн 3 небӧг 22:28

Микей шуис ӧксылы: «Тэ кӧ локтан тыш вылысь ловйӧн, сідзкӧ, эз Господь ме пыр сёрнит». Нӧшта шуис: «Кывзӧй, войтыръяс!»

Лыд 16:35

Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.

Лыд 11:1

Войтырыс кутіс ропкыны. Господь кыліс тайӧс да ёна скӧрмис. Сувтанін помын ыпнитіс Господьлӧн би, биыс кутіс бырӧдны сувтанінсӧ.

Ӧксыяслӧн 4 небӧг 1:11

Ӧксы нӧшта мӧдӧдіс Илля дінӧ ветымын тышкамортӧс налӧн веськӧдлыськӧд. Веськӧдлысьыс шуис Иллялы: «Енлӧн мортӧй! Ӧксы тшӧктӧ, мед тэ ӧдйӧджык лэччин».

Левит 10:2

Сэки петіс Господьсянь би да сотіс найӧс, и найӧ кулісны Господь чужӧмбан водзын.