Ӧксыяслӧн 3 небӧг 8:50 - Коми Библия 2023

⁵⁰ Прӧстит Ассьыд войтыртӧ, ӧд найӧ мыж вӧчисны Тэныд паныд. Прӧстит налысь мыжъяснысӧ. Небзьӧд пленӧ босьтысьяслысь сьӧлӧмсӧ, медым найӧ вӧліны бур сьӧлӧмаӧсь Тэнад войтырыд дінӧ.

Ӧксыяслӧн 3 небӧг 8:50 Referans Kwoze

2 Каднебӧг 30:9

Ті кӧ бергӧдчанныд Господь дінӧ, сэки тіян рӧдвуж дінӧ да тіян челядь дінӧ бурсьӧлӧмтчасны найӧс пленӧ босьтысьяс, и лэдзасны найӧс бӧр бергӧдчыны тайӧ муас, ӧд Господь, тіян Енныд, бур да мелі сьӧлӧма. Сійӧ оз бергӧдчы тіянысь, ті кӧ бергӧдчанныд Сы дінӧ».

Ап. уджъяс 7:10

да дорйис сійӧс быд сьӧкыдыс дырйи. Енмыс сетіс Ӧсиплы ыджыд мывкыдлун, та вӧсна сійӧ сьӧлӧм вылас воис фараонлы, египетса ӧксылы. Фараон весиг пуктіс сійӧс веськӧдлыны Египетӧн да аслас став овмӧсӧн.

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Неемий 1:11

Кевма Тэныд, Господьӧй, копырт пельтӧ Аслад кесйӧглань! Кыв менсьым да став Аслад кесйӧглысь кевмӧмсӧ, ӧд ми кӧсъям вежавидзны Тэысь. Талун отсав меным, Аслад кесйӧглы, сійӧн, мый ӧксы лоас бур сьӧлӧма ме дінӧ». Сійӧ кадас ме вӧлі ӧксылӧн вина кисьталысьӧн.

Ездра 7:6

Ездра локтіс Вавилонысь. Сійӧ вӧлі велӧдчӧм морт, бура тӧдіс Мӧисейлысь Индӧдсӧ, мый вӧлі сетӧма Господь, Израильлӧн Ен. Ӧксы сетіс Ездралы ставсӧ, мый сійӧ корис, ӧд Ездракӧд вӧлі Господь, сылӧн Енмыс.

Петӧм 3:21

Ме небзьӧда египетсаяслысь сьӧлӧмсӧ тіян дінӧ. Ті петанныд сэтысь, и петанныд онӧ куш киӧн.

Ӧксыяслӧн 3 небӧг 8:49

сэки Тэ кыв налысь корӧм-кевмӧмсӧ енэжсяньыд, Аслад оланінсянь, да отсав налы.

2 Каднебӧг 33:13

Манассей кевмысис Енлы, и Енмыс кыліс сылысь кевмӧмсӧ да бӧр бергӧдіс сійӧс Ерусалимӧ ӧксыавны. Тадзи Манассей тӧдмаліс, мый Господь эм Ен.

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.