Ӧксыяслӧн 3 небӧг 8:46 - Коми Библия 2023

⁴⁶ Но кор найӧ мыж вӧчасны Тэныд паныд, ӧд мыж вӧчтӧм мортыс абу, и Тэ скӧрман на вылӧ да сетан найӧс вӧрӧг киӧ, и кор найӧс нуӧдасны пленӧ ылӧ либӧ матӧ,

Ӧксыяслӧн 3 небӧг 8:46 Referans Kwoze

Еклесиаст 7:20

Му вылас абу веськыда олысьыс, коді эськӧ мыжсӧ эз вӧчлы, а сӧмын бурсӧ.

Шусьӧгъяс 20:9

Коді вермӧ шуны, весалі пӧ ассьым сьӧлӧмӧс, сӧстӧмми пӧ аслам мыжъясысь?

Римӧ 3:23

Ӧд ставныс мыжмисны да олӧны Ен дзирдлунтӧг.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Псалтыр 130:3

Израиль мед лача кутас Господь вылӧ ӧні и нэмъяс чӧж.

Яков 3:2

Ми ставным унаторйын мыжмам. Коді оз мыжмы сёрнинас, сійӧ тыр-бур морт да вермӧ кутны ставнас ассьыс вир-яйсӧ.

Ӧксыяслӧн 4 небӧг 17:18

Господь чорыда скӧрмис Израиль войтыр вылӧ, вештіс найӧс Аслас чужӧмбан водзысь, а колис сӧмын Иуда чужанкотырӧс.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Галатӧ 3:22

Гижӧдыс йӧртіс ставнысӧ мыж улас. Та вӧсна кӧсйысьӧмасӧ эскысьяс вермасны босьтны Исус Кристослы эскӧм пыр.

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

Псалтыр 143:2

Сійӧ буралӧ ме дінӧ. Сійӧ – менӧ Дорйысьыс да Мездысьыс, менам дзебсяніныс да сайӧдыс. Сы вылӧ ме лача кута, Сійӧ сетӧ менам кипод улӧ менсьым войтырӧс.

Иов 14:4

Коді вермас пежсянь чужны сӧстӧмӧн? Некод оз.

2 Каднебӧг 6:36

Но кор найӧ мыж вӧчасны Тэныд паныд, ӧд мыж вӧчтӧм мортыс абу, и Тэ скӧрман на вылӧ да сетан найӧс вӧрӧг киӧ, и кор найӧс нуӧдасны пленӧ ылӧ либӧ матӧ,

Ӧксыяслӧн 4 небӧг 25:21

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Ӧксыяслӧн 4 небӧг 17:23

кытчӧдз Господь эз вешты найӧс Аслас чужӧмбан водзысь. Та йылысь Сійӧ водзвыв висьтавліс пророкъяс пыр, кодъяс кесъялісны Сылы. Израильсаясӧс вӧлі нуӧдӧма асланыс муысь Ассурӧ, кӧні найӧ ӧнӧдз олӧны.

Индӧд 29:28

Дӧзмӧмӧн, скӧралӧмӧн да ыджыд лӧглунӧн Господь нетшыштіс найӧс асланыс муысь да шыбитіс мӧд муӧ, кӧні найӧ ӧні на олӧны”.

Ӧксыяслӧн 3 небӧг 8:45

сэки Тэ кыв налысь корӧм-кевмӧмсӧ енэжсяньыд да отсав налы.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.