Ӧксыяслӧн 3 небӧг 8:26 - Коми Библия 2023

²⁶ Израильлӧн Енмӧй, мед инас Тэнад кӧсйысьӧмыд, мый Тэ шулін Аслад Давид кесйӧглы, менам батьлы.

Ӧксыяслӧн 3 небӧг 8:26 Referans Kwoze

Еремей 11:5

Сэки эськӧ Ме збыльмӧді Ассьым кыв сетӧмӧс. Ӧд Ме кыв сетӧмӧн кӧсйыси сетны тіян батьяслы му, кӧні визувтӧ йӧв да ма. Ӧні ті оланныд тайӧ муас». Ме вочавидзи: «Господьӧй, тайӧ збыльысь тадзи!»

Исай 45:3

Ме сета тэныд пемыдінын видзан озырлун, дзебӧм озырлун, медым тэ тӧдін: Ме – Господь, Израильлӧн Ен, Ме чуксала тэнӧ нимнад.

Исай 41:17

Гӧльяс да коньӧръяс корсьӧны ва, но оз аддзыны, налӧн вом пытшкӧсныс пакталӧма. Но Ме, Господь, кыла найӧс, Ме, Израильлӧн Ен, ог эновт найӧс.

2 Каднебӧг 1:9

Господьӧй Енмӧй, мед инас Тэнад кывйыд, мый Тэ шулін менам Давид батьлы. Тэ пуктін менӧ ӧксыӧ, медым веськӧдлыны войтырӧн, кодлӧн лыдыс мувывса бус мында.

Ӧксыяслӧн 3 небӧг 8:23

да шуис: «Господьӧй, Израильлӧн Енмӧй! Тэ кодь мӧд енмыс абу енэжас ни му вылас! Тэ видзан кӧрталӧм йитӧдтӧ да буралӧмтӧ Аслад кесйӧгъясыд дінӧ, кодъяс став сьӧлӧмсяньыс олӧны Тэнад кӧсйӧм серти.

Ӧксыяслӧн 1 небӧг 1:17

Илий вочавидзис: «Мун лӧнь сьӧлӧмӧн. Израильлӧн Ен мед сетас тэныд, мый тэ корин Сылысь».

Петӧм 24:10

Сэні найӧ аддзисны Израильлысь Енсӧ. Сылӧн кок улыс вӧлі сапфир кодь, дзик енэжыс кодь югыд.

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

1 Каднебӧг 17:23

Ӧні, Господьӧй, пыр кежлӧ вынсьӧд да збыльмӧд Ассьыд кывъястӧ, мый Тэ шуин ме йылысь да менам рӧд йылысь.