Ӧксыяслӧн 3 небӧг 7:50 - Коми Библия 2023

⁵⁰ весалӧм зарниысь вӧчӧдіс тасьтіяс, пуртъяс, вир резан тасьтіяс, кӧшъяс да пӧим воръяс. Зарниысь вӧчисны тшӧтш крампытшкӧсса ӧдзӧсъяслысь дзирсӧ – Вежаинӧ да Вежасьыс-вежаинӧ пыран ӧдзӧсъяслысь дзирсӧ.

Ӧксыяслӧн 3 небӧг 7:50 Referans Kwoze

Лыд 7:86

Чӧскыд дука тшынӧдчантор тыра зарни кӧшыс вӧлі дас кык. Вежаинса сикель серти быд зарни кӧшлӧн сьӧктаыс вӧлі дас сикель, ставнас – сё кызь сикель.

Левит 16:12

Господь водзысь висьпуктанінысь мед босьтас тшынӧдчан доз тыр ӧгыр да кык китыр ниртӧм чӧскыд дука тшынӧдчантор. Мед пыртас найӧс Вежаинын ӧшалысь дӧра сайӧ.

Петӧм 27:3

Вӧч пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧч ыргӧнысь.

Петӧм 25:29

Вӧч весалӧм зарниысь тасьтіяс, дозмукъяс, кисьтан вись дозъяс да кӧшъяс.

Ӧксыяслӧн 4 небӧг 12:13

Господьлӧн крамӧ вайӧм сьӧм вылӧ эз вӧчлыны крамын вӧдитчанторъяс: эзысь дозмукъяс, пуртъяс, вир резан тасьтіяс, трубаяс да мукӧдпӧлӧс эзысь-зарни дозъяс.

Ӧксыяслӧн 4 небӧг 25:15

Ӧксыӧс видзысьяслӧн юралысь босьтіс зарниысь да эзысьысь вӧчӧм дозмук: ӧгыр пӧртъяс да вир резан тасьтіяс.

Еремей 52:19

Ӧксыӧс видзысьяслӧн юралысь босьтіс зарниысь да эзысьысь вӧчӧм тасьтіяс, ӧгыр пӧртъяс, вир резан тасьтіяс, пӧим чукӧртан воръяс, бикокъяс, кӧшъяс да дозъяс.

Езекиль 41:4

Водзӧ мурталіс пыді вежӧссӧ, кузьтанас и пасьтанас сійӧ вӧлі кызь гырддза. Пасьтанас сійӧ вӧлі медводдза вежӧс кодь. Морт шуис меным, тайӧ пӧ Вежасьыс-вежаин.

Петӧм 25:38

Вӧч петельлы чепӧлясӧ да пӧим воръяссӧ весалӧм зарниысь.

Закар 14:20

Сійӧ лунӧ весиг вӧв тіньган вылын лоӧ гижӧма: «Вежӧдӧма-торйӧдӧма Господьлы». Господьлӧн крамын став пӧртйыс лоӧ вежа, висьпуктаніндорса вир резан тасьті кодь вежа.