Ӧксыяслӧн 3 небӧг 7:47 - Коми Библия 2023

⁴⁷ Быд вӧчӧмтор Соломон пуктіс-сувтӧдіс ас местаӧ. Вӧчӧм дозмук-кӧлуйыс вӧлі сэтшӧм уна, мый весиг эз вермыны артавны, уна-ӧ ыргӧн муніс найӧс сывдӧм вылӧ.

Ӧксыяслӧн 3 небӧг 7:47 Referans Kwoze

1 Каднебӧг 22:14

Сьӧкыдлунъяс вылӧ видзӧдтӧг ме дасьті Господьлысь крамсӧ вӧчӧм вылӧ сё сюрс талант зарни да миллион талант эзысь, а ыргӧнсӧ да кӧртсӧ ме дасьті сы мында, мый веситнысӧ он вермы. Ме дасьті керъяс да изъяс, но тэ чукӧрт нӧшта на унджык.

1 Каднебӧг 22:3

Давид дасьтіс дзиръяяслы кӧрттув-потш вӧчӧм могысь уна кӧрт, дасьтіс тшӧтш сы мында ыргӧн, мый эз позь веситнысӧ.

2 Каднебӧг 4:18

Дозмук-кӧлуйсӧ вӧчисны сы мында, мый весиг эз вермыны артавны, уна-ӧ ыргӧн муніс найӧс сывдӧм вылӧ.

1 Каднебӧг 22:16

Тэнад эм лыдтӧм-тшӧттӧм зарни, эзысь, ыргӧн да кӧрт. Босьтчы уджӧ, Господь лоӧ тэкӧд».

Ӧксыяслӧн 4 небӧг 25:14

Найӧ босьтісны тшӧтш пӧим чукӧртан воръяс, пӧим куралан зыръяс, пуртъяс, кӧшъяс да ыргӧнысь вӧчӧм мукӧд дозмуксӧ, мыйӧн вӧдитчисны крамын кесъялігӧн.

Ӧксыяслӧн 4 небӧг 25:16

Кык сюръя, вайӧртӧд да джекъяс, мый вылын сулалісны мыссян дозъяс, коркӧ Господьлӧн крамӧ вӧчліс Соломон. Тайӧ вӧчӧмторъясас ыргӧныс вӧлі сы мында, мый весиг эз позь веситнысӧ.

Еремей 52:20

Кык сюръя, вайӧртӧд, сы улын сулалысь дас кык ыргӧн ӧш да джекъяс, мый вылын сулалісны мыссян дозъяс, коркӧ Господьлӧн крамӧ вӧчліс Соломон ӧксы. Тайӧ вӧчӧмторъясас ыргӧныс вӧлі сы мында, мый весиг эз позь веситнысӧ.