Ӧксыяслӧн 3 небӧг 7:38 - Коми Библия 2023

³⁸ Хирам вӧчис ыргӧнысь дас мыссян доз. Быд дозйӧ тӧрис нелямын бат мында ва. Мыссян дозйыс вӧлі нёль гырддза ыджда. Быд джек вылын сулаліс ӧти мыссян доз.

Ӧксыяслӧн 3 небӧг 7:38 Referans Kwoze

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

Закар 13:1

Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.

Петӧм 38:8

Безалел вӧчис ыргӧн рӧмпӧштанъясысь мыссян доз да сылысь коксӧ. Рӧмпӧштанъяссӧ сетісны вежа чом пыранінын кесъялысь аньяс.

Петӧм 30:28

сотан висьлы висьпуктанін да сэтчӧ дозмук-кӧлуй, мыссян доз да сылысь коксӧ.

Ӧксыяслӧн 3 небӧг 7:27

Хирам нӧшта вӧчис ыргӧнысь дас джек. Быд джек вӧлі нёль гырддза кузьта, нёль гырддза пасьта да куим гырддза судта.

Ӧксыяслӧн 3 небӧг 7:39

Вит джексӧ сувтӧдіс крам веськыдладорӧ, а мӧд витсӧ – крам шуйгаладорӧ. Вайӧртӧдсӧ сувтӧдіс крам веськыдладорӧ – асыв-лунвывла бокӧ.