Ӧксыяслӧн 3 небӧг 7:36 - Коми Библия 2023

³⁶ Джек воропъясӧ, джек дор пӧвъясӧ да быдлаӧ, кытчӧ позяна вӧлі, Хирам вундаліс херувим, лев да пальма серпасъяс, а джек гӧгӧрсӧ мичмӧдіс гартчан быдмӧг серпасӧн.

Ӧксыяслӧн 3 небӧг 7:36 Referans Kwoze

Ӧксыяслӧн 3 небӧг 7:29

Джек дор пӧвъясас да дзавъяс вылас вӧлі серпасалӧма левъясӧс, ӧшъясӧс да херувимъясӧс, а левъяс да ӧшъяс весьтас вылысяньыс да улысяньыс вӧлі серлӧдлӧма гартчан быдмӧг.

Езекиль 40:37

Посводзыс видзӧдіс ортсы йӧрӧ. Пыранінлӧн ӧтар-мӧдар бок стенъясӧ вӧлі серпасалӧма пальмаяс. Пыранінӧ кайис кӧкъямыс тшупӧда сод.

Езекиль 40:31

Посводзыс видзӧдіс ортсы йӧрӧ. Пыранінлӧн стенъясӧ вӧлі серпасалӧма пальмаяс. Пыранінӧ кайис кӧкъямыс тшупӧда сод.

Ӧксыяслӧн 3 небӧг 6:35

На вылӧ тшӧтш вундалӧмӧн серпасаліс херувимъясӧс, пальма пуяс да дзоридзьяс, вылытіыс найӧс эжис зарниӧн.

Ӧксыяслӧн 3 небӧг 6:32

Олив пуысь вӧчӧм кык ӧдзӧс вылас вундалӧмӧн серпасаліс херувимъясӧс, пальма пуяс да дзоридзьяс. Ставсӧ эжис зарниӧн.

Ӧксыяслӧн 3 небӧг 6:29

Крамлӧн став стен вылас пыді и воддза вежӧсас Соломон вундалӧмӧн серпасаліс херувимъясӧс, пальма пуяс да дзоридзьяс.

Ӧксыяслӧн 3 небӧг 7:35

Мыссян дозсӧ пуктӧм могысь вӧчӧм кытшлӧн судтаыс джек веркӧссяньыс вӧлі гырддза джын. Джеклысь воропъяссӧ вӧлі ӧтторъя сывдӧма джекыскӧд.

Ӧксыяслӧн 3 небӧг 7:37

Татшӧм джексӧ Хирам вӧчис дасӧс. Найӧ вӧліны ӧткодьӧсь да ӧтыдждаӧсь, быдӧнӧс вӧлі сывдӧма ӧтмоза.

Езекиль 10:14

Быд херувимлӧн вӧлі нёль чужӧм: херувим чужӧм, морт чужӧм, лев чужӧм да кутш чужӧм.