Ӧксыяслӧн 3 небӧг 3:4 - Коми Библия 2023

⁴ Ӧтчыд Соломон муніс Гаваонӧ, мед вись вайны. Буретш сэні сулаліс медшӧр вись ваян мылькйыс. Сэні висьпуктанін вылын Соломон вайис сюрс мында сотан вись.

Ӧксыяслӧн 3 небӧг 3:4 Referans Kwoze

2 Каднебӧг 7:5

Соломон ӧксы вайис вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став войтырыс вежӧдісны Енлысь крамсӧ.

2 Каднебӧг 1:3

Чукӧртчӧм бӧрын Соломон ставныскӧд муніс Гаваонӧ вись ваян мыльк вылӧ. Сэні вӧлі Енлӧн вежа чом, кодӧс овтӧминын вӧчліс Мӧисей, Господьлӧн кесйӧг.

1 Каднебӧг 16:39

Садок попӧс да сылӧн рӧдысь мукӧд попъясӧс Давид индіс кесъявны Господьлӧн вежа чом водзын гаваонса ыб вылын.

1 Каднебӧг 21:29

Сійӧ кадас Господьлӧн вежа чомйыс, кодӧс Мӧисей вӧчис овтӧминын, да сотан висьяслы висьпуктаніныс вӧліны гаваонса ыб вылын.

Исай 40:16

Ливанса пуяс да пемӧсъяс абу тырманаӧсь, медым пестыны би да вись вайны Господьлы.

Нав Исус 9:3

Но кор Гаваон карса олысьяс тӧдмалісны, мый Исус вӧчис Ерикон да Гай каръяслы,

2 Каднебӧг 30:24

Иудаса Езекей ӧксы сетіс чукӧртчӧм войтырлы сюрс ӧшкӧс да сизим сюрс ыжӧс, а юралысьяс сетісны войтырыслы сюрс ӧшкӧс да дас сюрс ыжӧс. Тайӧ кадас попъяс унаӧн нин вӧлі вежӧдӧмаӧсь-сӧстӧммӧдӧмаӧсь асьнысӧ.

Ӧксыяслӧн 3 небӧг 8:63

Соломон вайис Господьлы бурасян вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став Израиль войтыр вежӧдісны Господьлысь крамсӧ.

Нав Исус 10:2

Адони-Седек ёна повзис, ӧд Гаваон кар вӧлі ӧксыяслӧн юралан каръяс кодь ыджыд. Сійӧ вӧлі Гай карысь на ыджыд, и сэтчӧс айуловыс вӧліны вына тышкасьысьяс.

Ӧксыяслӧн 3 небӧг 9:2

Гаваонын моз Господь мӧдысь петкӧдчис Соломонлы.

Нав Исус 18:21

Венямин чужанкотырлӧн рӧдъяслы вичмисны Ерикон, Бет-Хогла, Эмек-Кециц,

Ӧксыяслӧн 1 небӧг 13:9

Сэки Саул шуис: «Вайӧдӧй пемӧсъясӧс, мед вайны Енлы сотан вись да бурасян висьяс». Сэсся Саул вайис Енлы сотан вись.

Еремей 28:1

Иудаса Седекей ӧксылӧн нёльӧд веськӧдлан воӧ, витӧд тӧлысьӧ, Господьлӧн крамын попъяс да став войтырыс дырйи Азурлӧн Хананей пиыс, Гаваонысь пророк, шуис меным:

2 Каднебӧг 1:2

Соломон корис ас дінас Израиль му пасьталаысь тышкайӧзлысь юралысь-веськӧдлысьясӧс, ёрдысьясӧс, войтырлысь юралысьясӧс да рӧдкутысьясӧс.