Ӧксыяслӧн 3 небӧг 3:3 - Коми Библия 2023

³ Соломон радейтіс Господьӧс, оліс Давид батьыслӧн тшӧктӧмъяс серти, но мылькъяс вылын вайліс висьяс да тшынӧдчис.

Ӧксыяслӧн 3 небӧг 3:3 Referans Kwoze

1 Коринфӧ 8:3

Но мортыслы кӧ Енмыс муса, Енмыс тӧдӧ сійӧс.

Индӧд 30:16

Кутанныд кӧ кывзыны асланыд Господь Енлысь тшӧктӧмъяссӧ, мый талун висьтала тіянлы, кутанныд кӧ радейтны Господьӧс, ассьыныд Ентӧ, ветлыны Сылӧн туйясӧд да овны Сылӧн индӧд-тшӧктӧмъяс серти, сэки ті кутанныд овны да чужтысьны-рӧдмыны. Господь, тіян Енныд, бурсиас тіянӧс сійӧ муас, кытчӧ ті мунанныд сійӧс босьтӧм могысь.

Индӧд 6:5

Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Ӧксыяслӧн 3 небӧг 3:14

Тэ кӧ пондан ветлыны Менам туйӧд, овны Менам индӧд-тшӧктӧмъяс серти аслад Давид батьыд моз, сэки Ме нюжӧда тэнсьыд олан нэмтӧ».

Ӧксыяслӧн 3 небӧг 3:6

Соломон воча шуис: «Тэ вӧлін зэв бур сьӧлӧма менам Давид бать дінӧ, Аслад кесйӧг дінӧ, ӧд сійӧ оліс Тэнсьыд кывзысьӧмӧн да веськыда, ставсӧ вӧчис сӧстӧм сьӧлӧмӧн. Ассьыд ыджыд буралӧмтӧ Тэ эн вешты сы дінысь, Тэ сетін сылы пиӧс, коді ӧні пукалӧ сылӧн юралан пуклӧсын.

Индӧд 30:20

да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,

Индӧд 10:12

«Израиль, мый виччысьӧ тіянсянь Господь, тіян Енныд? Виччысьӧ, медым ті полінныд Господьысь, асланыд Енмысь, ветлінныд Сылӧн туйясӧд, радейтінныд Сійӧс да кесъялінныд Сылы став сьӧлӧмнад да став олӧмнад.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

Иоан 14:15

«Ме кӧ муса тіянлы, олӧй Менам тшӧктӧмъяс серти.

Матвей 22:37

Исус шуис: «Радейт Господьӧс, ассьыд Ентӧ, став сьӧлӧмнад, став олӧмнад да став мывкыднад.

Ӧксыяслӧн 4 небӧг 18:22

Гашкӧ, ті шуанныд, мый Господь Енныд вылӧ лачанытӧ кутанныд? Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын, мый сулалӧ Ерусалимын?”»

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 4 небӧг 15:35

Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис. Господьлӧн крам йӧрын Иотам вӧчис Вылыс дзиръя.

Ӧксыяслӧн 4 небӧг 15:4

Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис.

Ӧксыяслӧн 4 небӧг 14:4

Сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис.

Ӧксыяслӧн 4 небӧг 12:3

Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис.

Ӧксыяслӧн 3 небӧг 22:43

Иосафат ветліс Аса батьыслӧн туйӧд да эз кежлыв сэтысь. Сійӧ вӧчис Господь водзын шогманасӧ. Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис.

Ӧксыяслӧн 3 небӧг 15:14

Вись ваян мылькъяссӧ эз бырӧдны, но та вылӧ видзӧдтӧг Асалӧн сьӧлӧмыс вӧлі йитчӧма Господькӧд став олӧм чӧжыс.

Ӧксыяслӧн 3 небӧг 15:3

Авий вӧчис сійӧ жӧ мыжъяссӧ, мый вӧчліс сылӧн батьыс. Авийлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид пӧльыслӧн.

Ӧксыяслӧн 3 небӧг 11:38

Тэ кӧ пондан кывзысьны Менсьым, ветлыны Менам туйясӧд, вӧчны Ме водзын шогманасӧ да овны Менам индӧд-тшӧктӧмъяс серти, кыдзи оліс Менам Давид кесйӧгӧй, Ме лоа тэкӧд. Давидлысь рӧдсӧ моз Ме вӧча зумыдӧн тэнсьыд рӧдтӧ. Ме сета тэныд Израильӧс.

Ӧксыяслӧн 3 небӧг 11:34

Ме ог босьт Соломонлысь юралӧмсӧ, ӧд пукті сійӧс юравны олӧм помӧдзыс. Тадзи вӧча Аслам Давид кесйӧгӧй вӧсна, кодӧс Ме бӧрйи да коді оліс Менам индӧд-тшӧктӧмъяс серти.

Ӧксыяслӧн 3 небӧг 11:6

Соломон вӧчис Господь водзын шогмытӧмсӧ. Сійӧ эз тырвыйӧ кывзысь Господьлысь, кыдзи кывзысис сылӧн Давид батьыс.

Ӧксыяслӧн 3 небӧг 11:4

асланыс енъяс дорӧ. Пӧрысьладорыс Соломонлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид батьыслӧн.

Ӧксыяслӧн 3 небӧг 9:4

Кутан кӧ тэ ветлыны Менам чужӧмбан водзын Давид батьыд моз сӧстӧм сьӧлӧмӧн да веськыда, кутан кӧ вӧчны ставсӧ, мый Ме тшӧкта тэныд, кутан кӧ овны Менам индӧд-тшӧктӧмъяс серти,

Индӧд 10:13

Господь [тіян Енныд] виччысьӧ, медым ті олінныд Сылӧн индӧд-тшӧктӧмъяс серти, мый талун висьтала тіянлы. Сэки тіянлы лоӧ бур.

Индӧд 11:13

Ті кӧ кутанныд овны Сылӧн тшӧктӧмъяс серти, мый талун висьтала тіянлы, кутанныд радейтны Господьӧс, ассьыныд Ентӧ, кутанныд кесъявны Сылы став сьӧлӧмнад да став олӧмнад,

Левит 17:5

Тайӧс тшӧктӧма сы могысь, медым Израиль пиян эз нин начкыны пемӧсъяссӧ бокын, а вайӧдісны найӧс Господь водзӧ вежа чом пыранін дорӧ поплы, и сэні начкисны Господьлы бурасян вись пыдди.

Ӧксыяслӧн 1 небӧг 9:12

Нывъяс вочавидзисны: «Тані. Сійӧ тіян водзвылын локтіс карас, ӧд талун мыльк вылын войтыр кутас вись вайны. Тэрмасьӧй!

Ӧксыяслӧн 3 небӧг 8:25

Господьӧй, Израильлӧн Енмӧй, збыльмӧд тшӧтш Ассьыд мӧд кӧсйысьӧмтӧ, мый Тэ шулін Аслад кесйӧглы, менам Давид батьлы. Тэ ӧд шулін сылы: ”Тэсянь чужысьяс кӧ тэ моз кутасны ветлыны Ме водзын веськыд туйӧд, сэки на пӧвстысь пыр лоӧ ӧксы, коді кутас веськӧдлыны Израиль войтырӧн Ме водзын”.

Ӧксыяслӧн 3 небӧг 8:61

Тіян сьӧлӧмныд мед лоӧ йитчӧма Господькӧд, миян Енкӧд, медым и водзӧ ті олінныд Сылӧн индӧд-тшӧктӧмъяс серти».

Ӧксыяслӧн 3 небӧг 14:8

Ме босьті Давид рӧдлысь юралӧмсӧ да сеті тэныд. Но тэ абу вӧлӧмыд Менам Давид кесйӧг кодь. Сійӧ оліс Менам тшӧктӧмъяс серти, кывзысис Менсьым став сьӧлӧмнас да вӧчис Ме водзын сӧмын шогманасӧ.

Ӧксыяслӧн 3 небӧг 14:23

Джуджыд мылькъяс вылын да пашкыр пуяс улын найӧ вӧчисны аслыныс юрбитанінъяс, сувтӧдісны юрбитан изъяс да юрбитан пуяс.

Ӧксыяслӧн 3 небӧг 15:5

Ӧд Давид вӧчис Господь водзын шогманасӧ, став олӧм чӧжыс сійӧ эз кежлыв Господьлӧн тшӧктӧмъясысь, сы кындзи, мый вӧчис хеттей Урийлы.

Ӧксыяслӧн 3 небӧг 15:11

Давид пӧльыс моз Аса вӧчис Господь водзын шогманасӧ.

Ӧксыяслӧн 3 небӧг 22:44

Иосафат да израильса ӧксы сёрнитчисны лӧнь олӧм йылысь.

Ӧксыяслӧн 4 небӧг 12:4

Йоас шуис попъяслы: «Господьлӧн крамӧ мед ваясны вежа сетанторъяс: ас пондаыс вештысян дон, Господьлы сиӧм мортысь вештысян дон да ас кӧсйӧм серти ваян сьӧм.

Ӧксыяслӧн 4 небӧг 14:3

Амасей вӧчис Господь водзын шогманасӧ, но эз сідзи, кыдзи вӧчис сылӧн Давид пӧльыс. Амасей ставсӧ вӧчис Йоас батьыс моз.

2 Каднебӧг 15:17

Вись ваян мылькъяссӧ эз бырӧдны Израильысь, но та вылӧ видзӧдтӧг Асалӧн сьӧлӧмыс вӧлі йитчӧма Господькӧд став олӧм чӧжыс.