35 Чорыд тыш муніс сійӧ лунӧ. Ахав ӧксы рытӧдзыс сулаліс аслас тарантасын арамейяслы воча. Сылӧн вирыс киссис тарантасас, а рытнас сійӧ кувсис.
Микей шуис ӧксылы: «Тэ кӧ локтан тыш вылысь ловйӧн, сідзкӧ, эз Господь ме пыр сёрнит». Нӧшта шуис: «Кывзӧй, войтыръяс!»
Пророк шуис ӧксылы: «Господь тадзи висьталӧ: ”Сыысь, мый тэ лэдзин мортӧс, кодӧс Ме тшӧкті бырӧдны, тэныд ковмас кувны сы пыдди, а тэнад войтырлы – сылӧн войтыр пыдди”».
Но ӧти тышкаморт зэвтіс ассьыс ньӧввужсӧ да ылӧсас лэдзис ньӧвсӧ. Ньӧвйыс сатшис израильса Ахав ӧксылы кӧрт паськӧм костӧдыс. Ӧксы горӧдіс аслас тарантасӧн веськӧдлысьлы: «Бӧр бергӧдчы! Петкӧд менӧ тыш вывсьыс! Менӧ дойдісны».
Шонді пуксигӧн израильса тышкайӧзлы юӧртісны, мед ставныс бӧр мунасны асланыс муӧ да асланыс карӧ.
Израильсаяс кор аддзисны, мый Авимелек кулӧма, разӧдчисны гортаныс.
Сэки Еху зэлӧдіс ньӧввужсӧ да лыйис Иорамлы. Ньӧвйыс веськаліс Иорамлы мышкуас кык пуліпом костас да муніс сьӧлӧм пырыс. Иорам усис тарантасас.