Ӧксыяслӧн 3 небӧг 22:25 - Коми Библия 2023

²⁵ Микей воча шуис: «Тайӧс тэ гӧгӧрвоан сійӧ лунӧ, кор кутан котравны вежӧсысь вежӧсӧ да корсьны аслыд дзебсянін».

Ӧксыяслӧн 3 небӧг 22:25 Referans Kwoze

Ӧксыяслӧн 3 небӧг 20:30

а ловйӧн кольӧм кызь сизим сюрс морт пышйисны Афек карӧ. Сэні на вылӧ усис карса стенмыс. Ачыс Бен-Хадад пышйис карас, и вежӧсысь вежӧсӧ котралӧмӧн сійӧ корсис дзебсянін.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Еремей 29:32

Та вӧсна Господь тадзи висьталӧ: Ме мыжда Нехеламысь Шемайӧс да сысянь чужысьясӧс. Сысянь чужысьяс пӧвстысь некод оз кут овны тайӧ войтырыс пӧвстын, некод оз аддзы сійӧ бурсӧ, мый Ме вӧча Аслам войтырлы, – висьталӧ Господь, – ӧд Шемай ышӧдіс тайӧ войтырсӧ Господьлы паныд кыпӧдчыны».

Еремей 23:15

Господь Саваоф ерусалимса пророкъяс йылысь тадзи висьталӧ: Ме верда найӧс курыд быдмӧгӧн, юктӧда найӧс яд сора ваӧн, ӧд ерусалимса пророкъяссянь пежыс паськаліс став тайӧ му пасьталаыс.

Лыд 31:8

Виӧмаяс пӧвстын вӧлі вит мадианса ӧксы: Эви, Рекем, Цур, Хур да Ревай. Израильсаяс виисны шыпуртӧн тшӧтш Веорлысь Валаам писӧ.

Ӧксыяслӧн 3 небӧг 22:26

Израильса ӧксы шуис: «Нуӧдӧй Микейӧс карса юралысь Амон дінӧ да ӧксылӧн Йоас пи дінӧ.

Еремей 32:8

Господьлӧн шуӧм серти ме дінӧ ӧксы керка видзысьяслӧн йӧрӧ локтіс дядьӧйлӧн Ханамел пиыс да шуис меным: ”Анатотысь, Венямин муысь, ньӧб аслыд менсьым видз-муӧс, ӧд тэныд позьӧ сійӧс ньӧбнысӧ”. Ме гӧгӧрвои, мый дзик та йылысь меным висьтавліс Господь.

Ӧксыяслӧн 4 небӧг 9:2

Кор воан сэтчӧ, корсь сэтысь Нимши Иосафатлысь Еху писӧ. Матыстчы сы дінӧ, чукӧст сійӧс ёртъяс пӧвстсьыс да нуӧд пыді вежӧсас.