Ӧксыяслӧн 3 небӧг 21:19 - Коми Библия 2023

¹⁹ Висьтав Ахавлы, мый Господь тадзи висьталӧ: тэ мортӧс виин, а ӧні сылысь овмӧссӧ аслыд босьтан. Нӧшта висьтав сылы, мый Господь тадзи висьталӧ: кӧні понъяс нюлісны Навотлысь вирсӧ, сэні найӧ пондасны нювны и тэнсьыд виртӧ».

Ӧксыяслӧн 3 небӧг 21:19 Referans Kwoze

Ӧксыяслӧн 3 небӧг 22:38

Ӧксылысь тарантассӧ мыськалісны самарияса тыын. Понъяс нюлісны ӧксылысь вирсӧ, и кырсалысь аньяс мыссисны вирӧсь ваын. Тадзи иніс Господьлӧн шуӧмыс.

Ӧксыяслӧн 2 небӧг 12:9

Мыйла тэ нинӧмӧ пуктін Менсьым Индӧдӧс да вӧчин Ме водзын шогмытӧмсӧ? Тэ виин хеттей Урийӧс. Аммон войтырлӧн шыпурт улӧ тэ сетін сійӧс, а сылысь гӧтырсӧ босьтін аслыд гӧтырӧ.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Аввакум 2:12

– Курыд шог сылы, коді вир кисьтӧмӧн лэптӧ кар, ылӧг помысь кыпӧдӧ изкарсӧ.

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.

Псалтыр 9:16

Войтыръяс усисны гуӧ, кодӧс асьныс кодйисны. Налӧн кокныс шедіс налькйӧ, кодӧс асьныс пуктісны.

Эсфир 7:10

Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

Ӧксыяслӧн 2 небӧг 12:11

Господь тадзи висьталӧ: ”Аслад жӧ керкаысь Ме вайӧда тэ вылӧ лёксӧ. Тэнад син водзын Ме босьта тэнсьыд гӧтыръястӧ да сета найӧс тэнад матысса мортлы. Сійӧ кутас узьлыны накӧд лунъюгыднас.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.

Олӧм 3:11

Ен шуис: «Коді тэныд висьталіс, мый тэ пасьтӧм? Эн-ӧ тэ сёй сійӧ пуысь, кытысь Ме ӧлӧді тэнӧ сёйнысӧ?»

Ӧксыяслӧн 4 небӧг 10:10

Тӧдӧй, мый Ахав рӧд йылысь Господьлӧн быд висьталӧм кыв инас. Господь збыльмӧдіс ставсӧ, мый шуліс Аслас Илля кесйӧг пыр».

Иов 31:39

ме кӧ эг тӧждысь муӧй вӧсна, кытысь сёйлі быдтассӧ, ме кӧ увтыртлі сэні уджалысьясӧс,

Псалтыр 68:23

Сёянныс мед лоӧ налы тывйӧн, чӧсмасьӧмныс – налькйӧн.

Езекиль 46:18

Ӧксылы оз позь мырддьыны войтырыслысь мусӧ да вӧтлыны найӧс сэтысь. Сійӧ сӧмын аслас юкӧнысь вермӧ мусӧ сетны пияныслы. Менам войтыр пӧвстысь некодӧс мед оз ло вӧтлӧма аслас му юкӧнысь».

Ӧксыяслӧн 4 небӧг 6:32

Елисей пукаліс гортас карса юрнуӧдысьяскӧд, кор ӧксы мӧдӧдіс сы дінӧ ассьыс мортсӧ. Но сылӧн локтӧдз на, Елисей шуис юрнуӧдысьяслы: «Аддзанныд, морт виысьлӧн пиыс мӧдӧдіс ме дінӧ мортӧс, медым керыштны менсьым юрӧс. Кор мортыс локтас, пӧдлалӧй сы водзын ӧдзӧссӧ да ёна пыкӧй сійӧс. Со, сы бӧрся локтысь ыджыдыслӧн кок шыыс кылӧ!»

Ӧксыяслӧн 4 небӧг 10:7

Гижӧдсӧ лыддьӧм бӧрын карса веськӧдлысьяс виисны ӧксылысь сизимдаснан писӧ. Налысь юрсӧ пуктісны чуманъясӧ да ыстісны Ехулы Изреельӧ.

Псалтыр 9:13

Сійӧ оз вунӧд виӧмаясӧс, водзӧс перъяс вир кисьтӧмысь, оз вунӧд дзескӧдӧмаяслысь бӧрдӧмсӧ.

Еремей 34:6

Тайӧ кывъяссӧ Еремей пророк висьталіс иудаса Седекей ӧксылы Ерусалимын.