Ӧксыяслӧн 3 небӧг 21:15 - Коми Библия 2023

¹⁵ Тайӧс тӧдмалӧм бӧрын Езавель муніс Ахав дінӧ да шуис: «Мун да босьт изреельса Навотлысь виноград йӧрсӧ, кодӧс сійӧ эз кӧсйы вузавны тэныд. Навотыд абу нин ловъя».

Ӧксыяслӧн 3 небӧг 21:15 Referans Kwoze

Шусьӧгъяс 4:17

Ӧд лёк вӧчӧмыс налы нянь сёйӧм кодь, виалӧм-дзескӧдӧмыс – вина юӧм кодь.

Ӧксыяслӧн 3 небӧг 21:7

Езавель гӧтырыс шуис: «Абу ӧмӧй тэ ӧксыыс Израильын? Чеччы, сёй да лӧнь. Ме сета тэныд изреельса Навотлысь виноград йӧрсӧ».

Ӧксыяслӧн 3 небӧг 21:1

Регыд мысти лои татшӧмтор. Самарияса Ахав ӧксылӧн Изреельын вӧлі ӧксы керка. Ӧксы керкакӧд орччӧн вӧлі изреельса Навотлӧн виноград йӧрыс.

Ӧксыяслӧн 3 небӧг 21:14

Езавельлы юӧртісны, Навотӧс пӧ кувтӧдзыс изъялісны.

Ӧксыяслӧн 3 небӧг 21:16

Ахав кор кыліс, мый [изреельса] Навот кулӧма, [косяліс ассьыс паськӧмсӧ да пасьталіс шогалан паськӧм, сэсся] муніс да босьтіс изреельса Навотлысь виноград йӧрсӧ.

Ӧксыяслӧн 4 небӧг 9:7

Тэ бырӧдан аслад Ахав ыджыдлысь рӧдсӧ. Тадзи Ме, Господь, водзӧс перъя пророкъяс вӧсна да Аслам став мукӧд кесйӧгъяс вӧсна, кодъясӧс виис Езавель.

Ӧксыяслӧн 4 небӧг 9:21

«Доддялӧй меным тарантас!» – тшӧктіс Иорам ӧксы. Кесйӧгъяс доддялісны. Сэки израильса Иорам ӧксы да иудаса Ахазий ӧксы быдӧн аслас тарантасын петісны Ехулы воча. Паныдасисны сыкӧд изреельса Навотлӧн му вылын.