Ӧксыяслӧн 3 небӧг 20:33 - Коми Библия 2023

³³ Тайӧ шуӧмыс локтысьяслы вӧлі бур пасӧн. Ӧксылӧн кывйӧ кутчысьӧмӧн найӧ воча шуисны: «Збыльысь, Бен-Хадад тэнад вок». Ӧксы шуис: «Вайӧдӧй сійӧс татчӧ». Бен-Хадад локтіс Ахав дінӧ, и мӧдыс пуксьӧдіс сійӧс орччӧн аслас тарантасӧ.

Ӧксыяслӧн 3 небӧг 20:33 Referans Kwoze

Ап. уджъяс 8:31

Мӧдыс шуис: «Кыдзи нӧ верма гӧгӧрвонысӧ, абу кӧ гӧгӧрвоӧдысьыс?» Сійӧ корис Филипӧс пуксьыны орччӧн.

Лука 16:8

Ыджыдыс ошкыштас пӧръялысь овмӧс нуӧдысьӧс сылӧн сюсьлунысь. Тайӧ муюгыдса пияныс ас костаныс сюсьджыкӧсь югыдыслӧн пиян дорысь.

Шусьӧгъяс 25:13

Кӧдзыд ва ыркӧдӧ нянь вундысьӧс – татшӧм жӧ эскана кесйӧг аслас мӧдӧдысьлы, сійӧ вын сетӧ аслас ыджыдыслы.

Ӧксыяслӧн 4 небӧг 10:15

Еху водзӧ муніс да паныдасис Рекавлӧн Ионадав пикӧд. Чолӧмасигас Еху шуис сылы: «Менам сьӧлӧмӧй восьса тэныд, а тэнад?» Ионадав вочавидзис: «Менам сьӧлӧмӧй тшӧтш восьса тэныд». «Тадзи кӧ, вай меным китӧ», – шуис Еху. Ионадав мыччис кисӧ, а Еху отсаліс сылы кайны аслас тарантасӧ.

Ӧксыяслӧн 3 небӧг 15:18

Аса босьтіс Господьлӧн крамса да ӧксы керкаса озырлун видзанінъясысь коляс эзысь-зарнисӧ да мӧдӧдіс ассьыс кесйӧгъяссӧ нуны ставсӧ Дамаскӧ арамейяслӧн Бен-Хадад ӧксылы, Хезион Тавриммонлӧн пиыслы. Тшӧктіс висьтавны сылы:

Ӧксыяслӧн 3 небӧг 20:32

Шогалан паськӧмӧн да сьыліас кӧвъяс ӧшлӧмӧн арамейяс локтісны израильса ӧксы дінӧ да шуисны: «Тэнад Бен-Хадад кесйӧгыд корӧ, мед тэ ловйӧн колин сійӧс». Ӧксы юаліс: «Сійӧ ӧмӧй ловъя на? Сійӧ менам вок».

Ӧксыяслӧн 3 небӧг 20:34

Бен-Хадад шуис сылы: «Ме бӧр сета тэныд сійӧ каръяссӧ, кодъясӧс коркӧ менам батьӧй босьтліс тэнад батьлысь. Дамаскын верман восьтны аслыд вузасянінъяс, кыдзи коркӧ менам батьӧй восьтліс Самарияын». Ахав вочавидзис: «Сёрнитчӧм бӧрын ме лэдза тэнӧ». Бен-Хададкӧд Ахав кӧрталіс йитӧд, сэсся лэдзис сійӧс.