Ӧксыяслӧн 3 небӧг 19:14 - Коми Библия 2023

¹⁴ Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 19:14 Referans Kwoze

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –

Осий 6:7

Адам карын ті торкинныд йитӧдсӧ, сэні эскытӧмлунныд вӧсна эновтінныд Менӧ.

Даниил 11:30

Сы вылӧ уськӧдчасны киттимса корабльяс вылын локтысьяс, сійӧ повзяс наысь да бӧр бергӧдчас. Ассьыс скӧрлунсӧ сійӧ кисьтас вежа йитӧд вылӧ. Гортас бергӧдчӧм бӧрын сійӧ сёрнитчас вежа йитӧд эновтысьяскӧд.

Еремей 22:9

Налы вочавидзасны: «Господь тадзи вӧчис сы вӧсна, мый тайӧ карас олысьяс вунӧдісны асланыс Господь Енлысь Йитӧдсӧ, мый Сійӧ кӧрталіс накӧд, копрасисны мукӧд енъяслы да кесъялісны налы».

Исай 62:1

Сион вӧсна ог кут чӧв овны, Ерусалим ради ог дугды висьтавлыны, кытчӧдз сылӧн веськыдлуныс оз воссьы югыд моз, сылӧн мездмӧмыс оз тыдовтчы ӧзъялысь би моз.

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Индӧд 29:25

Налы вочавидзасны: ”Тайӧ лои сы вӧсна, мый найӧ кежисны Господьлӧн йитӧдсьыс. Тайӧ йитӧдсӧ Господь, батьясныслӧн Енмыс, кӧрталіс накӧд, кор петкӧдіс найӧс Египетысь.

Римӧ 11:3

«Господьӧй, Тэнсьыд пророкъястӧ виисны, висьпуктанінъястӧ жуглісны. Ме ӧтнамӧн коли, тшӧтш менӧ кӧсйӧны вины».

Ӧксыяслӧн 3 небӧг 18:22

Сэки Илля шуис войтырыслы: «Господьлӧн пророкъясысь ме ӧтнам коли, а Вааллӧн пророкъясыс – нёльсё ветымын морт. [Нӧшта Астарталӧн – нёльсё пророк.]

Ӧксыяслӧн 3 небӧг 18:30

Илля корис Израиль войтырӧс матыстчыны ас дінас. Ставныс матыстчисны. Илля кутіс тэчны Господьлысь жуглӧм висьпуктанінсӧ.

Даниил 3:18

Но весиг кӧ оз мезды, тӧд, ӧксыӧй, мый ми огӧ кутӧй кесъявны тэнад енъяслы и огӧ копыртчылӧй тэӧн сувтӧдӧм зарни бӧлбанлы».