Ӧксыяслӧн 3 небӧг 18:46 - Коми Библия 2023

⁴⁶ Господьлӧн вына киыс вӧлі Илля вылын. Коссӧ вӧнялӧмӧн сійӧ котӧртіс Ахав водзвылын Изреельӧдз.

Ӧксыяслӧн 3 небӧг 18:46 Referans Kwoze

Езекиль 3:14

Лов кыпӧдіс менӧ да нуӧдіс сэтысь. Ме муні курыд сьӧлӧмӧн да ёна дӧзмӧмӧн, Господьлӧн киыс личкис менӧ.

Езекиль 1:3

Калдея муын Кевар ю бокын меным, Езекиль поплы, Буз пилы, вӧлі Господьсянь кыв, и Сылӧн киыс вӧлі ме вылын.

Ӧксыяслӧн 4 небӧг 3:15

Сэсся Елисей тшӧктіс вайӧдны гуслиӧн ворсысьӧс. Сылӧн ворсігӧн Господьлӧн вына киыс инмӧдчис Елисей дінӧ.

Матвей 22:21

Найӧ вочавидзисны: «Кесарлӧн». Исус шуис налы: «Кесарлысь сетӧй кесарлы, а Енлысь – Енлы».

Еремей 1:17

Но тэ чеччы, вӧнясь да висьтав Иуда муын олысьяслы ставсӧ, мый Ме тшӧкта тэныд. Эн пов наысь. А повзян кӧ, сэки Ме повзьӧда тэнӧ налӧн син водзын.

Исай 8:11

Тадзи висьталіс меным Господь, коді Аслас вына киӧн кутіс менӧ да эз лэдз ветлӧдлыны тайӧ войтырыслӧн туйӧд. Сійӧ шуис:

Ӧксыяслӧн 4 небӧг 9:1

Елисей пророк корис ӧти пророк-велӧдчысьӧс да шуис сылы: «Вӧнясь, босьт тайӧ вый тыра дозсӧ да мун галаадса Рамот карӧ.

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.

Ефесӧ 6:14

Сулалӧй зумыда! Вӧнясьӧй збыльнас да пасьталӧй веськыдлуныслысь кӧрт кышӧдсӧ.

Ӧксыяслӧн 4 небӧг 4:29

Сэки Елисей шуис Гезийлы: «Вӧнясь, босьт менсьым беддьӧс да тэрмасьӧмӧн пет туйӧ. Паныдасяс кӧ тэныд кодкӧ, сыкӧд эн чолӧмась, а сійӧ кӧ чолӧмасяс тэкӧд, эн вочавидз. Менсьым беддьӧс пукты зонкаыслы чужӧм вылас».

1 Петыр 2:17

Быдӧнӧс пыдди пуктӧй, вокъясӧс радейтӧй, Енсьыс полӧй, ӧксыӧс бурӧ пуктӧй.

Иов 38:3

Вӧнясь тышкаморт моз! Ме кута юасьны, а тэ Меным вочавидз.

Ӧксыяслӧн 3 небӧг 21:1

Регыд мысти лои татшӧмтор. Самарияса Ахав ӧксылӧн Изреельын вӧлі ӧксы керка. Ӧксы керкакӧд орччӧн вӧлі изреельса Навотлӧн виноград йӧрыс.

Шусьӧгъяс 31:17

Сійӧ дась вӧчны сьӧкыд удж, ӧд сылӧн киыс вына.

Ӧксыяслӧн 4 небӧг 1:8

Ӧксылы вочавидзисны: «Сы вылын вӧлі гӧна паськӧм, коскас – кучик тасма». Ӧксы шуис: «Тайӧ Тишби карысь Илля».