Ӧксыяслӧн 3 небӧг 18:38 - Коми Библия 2023

³⁸ Сэки вылысянь сяркнитіс Господьлӧн биыс да ньылыштіс сотан висьсӧ, пессӧ, изъяссӧ, висьпуктанін дорысь мусӧ да кодйӧм гуранысь васӧ.

Ӧксыяслӧн 3 небӧг 18:38 Referans Kwoze

Левит 9:24

Господьсянь петіс би да сотіс висьпуктанін вылысь сотан висьсӧ да госсӧ. Тайӧс аддзӧм бӧрын войтырыс нимкодьысла горӧдіс да кымынь уськӧдчис муӧ.

1 Каднебӧг 21:26

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. Давид шыасис Господь дінӧ, и Господь вочавидзис сылы да висьпуктанін вылӧ ыстіс енэжсянь би.

2 Каднебӧг 7:1

Кор Соломон помаліс кевмысьӧмсӧ, енэжсяньыс лэччис би да ньылыштіс сотан да мукӧд висьяс, и Господьлӧн дзирдлуныс тыртіс крамсӧ.

Ёрдысьяс 6:21

Господьлӧн андел нюжӧдіс бедьсӧ, мый вӧлі киас, да бедь йывнас инмӧдчис яйӧ да шомтӧм няньӧ. Сэки изйысь ыпнитіс би да ньылыштіс яйсӧ няньыскӧд. Та бӧрын Господьлӧн андел муніс Гедеон дінысь.

Иов 1:16

Сылӧн сёрнитігӧн локтіс мӧд юӧртысь да шуис: «Енлӧн би лэччис енэжсянь, сотіс ыж-кӧзатӧ да кесйӧгъястӧ. Сӧмын ме ловйӧн коли, медым юӧртны тэныд».

Ӧксыяслӧн 4 небӧг 1:12

Илля вочавидзис: «Ме кӧ Енлӧн морт, мед лэччас енэжсяньыс би да сотас тэнӧ да тэнсьыд ветымын тышкаморттӧ». Сэки енэжсяньыс лэччис Енлӧн би да сотіс тышкакотырӧн веськӧдлысьӧс да сылысь йӧзсӧ.

Ӧксыяслӧн 3 небӧг 18:24

Вааллӧн пророкъяслы Илля шуис: «Ті шыасьӧй асланыд ен дінӧ, а ме шыася Господь [аслам Ен] дінӧ. Сійӧ енмыс, коді ыстас бисӧ, эм збыль Ен». Став войтырыс вочавидзис: «Бур. [Мед лоӧ тадз.]»

Левит 10:2

Сэки петіс Господьсянь би да сотіс найӧс, и найӧ кулісны Господь чужӧмбан водзын.

Олӧм 15:17

Шонді пуксьӧм бӧрын лои сап пемыд. Шӧрипӧв керыштӧм пемӧсъяс костті пачысь моз пуркнитіс тшын да мунісны ыпъялысь би кывъяс.

Исай 31:9

Ёна повзьӧмнысла вошас налӧн зумыд лачаныс, налӧн юралысьясыс повзясны дӧрапасысь да пышъясны, – висьталӧ Господь, кодлӧн биыс ӧзйӧ Сионын, донӧдӧм пачыс – Ерусалимын.

Восьтӧм 13:13

Сійӧ вӧчӧ ыджыд шензьӧданаторъяс, весиг йӧз син водзын биыс лэччас енэжсяньыс му вылӧ.

Левит 10:1

Ааронлӧн Надав да Авиуд пияныс босьтісны ассьыныс ӧгыр дознысӧ да пуктісны сэтчӧ ӧгыр, а ӧгыр вылас – чӧскыд ӧвтанторъяс. Тадзи найӧ вайисны Господь водзӧ мӧд би, мый Господь эз тшӧкты вайнысӧ.

Ӧксыяслӧн 3 небӧг 18:37

Вочавидз меным, Господьӧй! Вочавидз, медым тайӧ войтырыс тӧдмалас, мый Тэ, Господьӧй, эм Ен, и мый Тэ бергӧдан налысь сьӧлӧмсӧ Ас дінад».

Ӧксыяслӧн 3 небӧг 18:35

Ваыс кутіс ызбыльтны-визувтны висьпуктанінысь, и сы гӧгӧр кодйӧм гураныс тырис ваӧн.