Ӧксыяслӧн 3 небӧг 18:27 - Коми Библия 2023

²⁷ Луншӧр кадӧ Илля кутіс серавны на вылын: «Гораджыка горзӧй! Сійӧ ӧд ен! Гашкӧ, сійӧ мӧвпалӧ мый йылысь кӧ? Гашкӧ, мыйкӧ вӧчӧ ӧні? А колӧкӧ, кытчӧкӧ муніс? Гашкӧ, узьӧ да, и сійӧс колӧ садьмӧдны?»

Ӧксыяслӧн 3 небӧг 18:27 Referans Kwoze

Исай 41:23

висьталӧй локтанаыс йылысь, сэки ми тӧдмалам, мый ті – енъяс. Вӧчӧй бурсӧ либӧ лёксӧ, медым тайӧс аддзӧмысь миянӧс ставнымӧс полӧм босьтіс.

Марк 14:41

Коймӧдысь локтігас Исус шуис налы: «Ті пыр на узянныд да шойччанныд? Тырмас. Кадыс воис. Морт Пиӧс мыжаяс киӧ сетӧны.

Марк 7:9

Исус водзӧ висьталіс: «Сюся ті вештанныд Енлысь тшӧктӧмсӧ, медым кутчысьны батьяслӧн шуӧмӧ.

Матвей 26:45

Сэсся локтіс велӧдчысьяс дінас да шуис налы: «Ті пыр на узянныд да шойччанныд? Кадыс воис. Морт Пиӧс мыжаяс киӧ сетӧны.

Езекиль 20:39

Господь Ыджыдыс тадзи висьталӧ: Израиль войтыр, ті кӧ онӧ кӧсйӧй Менсьым кывзысьны, мунӧй асланыд идолъяс дінӧ да юрбитӧй налы. Менсьым вежа нимӧс ті онӧ нин пежалӧй асланыд идолъясӧн да налы вайӧм козинъясӧн.

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Псалтыр 121:4

Ерусалимӧ локтӧны израильса чужанкотыръяс, Господьлӧн котыръяс, медым сэні Индӧд серти ошкыны Господьлысь нимсӧ.

2 Каднебӧг 25:8

Мун да тышкась повтӧг! А мунан кӧ израильсаяскӧд, Енмыс пасьвартас тэнӧ вӧрӧг водзад, ӧд Енмыслӧн эм вын отсавны и уськӧдны».

Ӧксыяслӧн 3 небӧг 22:15

Кор Микей локтіс ӧксы дінӧ, ӧксы юаліс: «Висьтав, Микей, уськӧдчыны-ӧ миянлы галаадса Рамот кар вылӧ?» Мӧдыс вочавидзис: «Уськӧдчы. Тэ верман. Господь сетас сійӧс тэнад киӧ, ӧксыӧй».

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Ӧксыяслӧн 3 небӧг 18:26

Найӧ босьтісны ӧшкӧс да начкисны сійӧс. Сэсся асывсяньыс луншӧрӧдзыс найӧ горзісны: «Ваал! Кыв миянӧс!» Найӧ весиг чеччалісны висьпуктанін гӧгӧр, но некод эз вочавидз.

Ӧксыяслӧн 3 небӧг 18:28

Пророкъяс нӧшта на гораджыка горзісны и, кыдзи век вӧчлісны, бытшйӧдлісны асьнысӧ пуртӧн да шыӧн, кытчӧдз эз ойдны вирнас.

Псалтыр 39:3

Сійӧ лэптіс менӧ пемыд гуысь, петкӧдіс менӧ зыбуч нюрысь, сувтӧдіс менӧ зумыд из вылӧ, ёнмӧдіс менсьым воськовъясӧс,