Ӧксыяслӧн 3 небӧг 18:24 - Коми Библия 2023

²⁴ Вааллӧн пророкъяслы Илля шуис: «Ті шыасьӧй асланыд ен дінӧ, а ме шыася Господь [аслам Ен] дінӧ. Сійӧ енмыс, коді ыстас бисӧ, эм збыль Ен». Став войтырыс вочавидзис: «Бур. [Мед лоӧ тадз.]»

Ӧксыяслӧн 3 небӧг 18:24 Referans Kwoze

Ӧксыяслӧн 3 небӧг 18:38

Сэки вылысянь сяркнитіс Господьлӧн биыс да ньылыштіс сотан висьсӧ, пессӧ, изъяссӧ, висьпуктанін дорысь мусӧ да кодйӧм гуранысь васӧ.

1 Каднебӧг 21:26

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. Давид шыасис Господь дінӧ, и Господь вочавидзис сылы да висьпуктанін вылӧ ыстіс енэжсянь би.

2 Каднебӧг 7:3

Кор Израиль войтыр аддзис енэжсяньыс лэччысь би да крам вылысь Господьлысь дзирдлунсӧ, найӧ кымынь уськӧдчисны муас да копыртчӧмӧн ошкисны Господьӧс: «Сійӧ бур, Сылӧн буралӧмыс оз помасьлы!»

2 Каднебӧг 7:1

Кор Соломон помаліс кевмысьӧмсӧ, енэжсяньыс лэччис би да ньылыштіс сотан да мукӧд висьяс, и Господьлӧн дзирдлуныс тыртіс крамсӧ.

Левит 9:24

Господьсянь петіс би да сотіс висьпуктанін вылысь сотан висьсӧ да госсӧ. Тайӧс аддзӧм бӧрын войтырыс нимкодьысла горӧдіс да кымынь уськӧдчис муӧ.

Ёрдысьяс 6:21

Господьлӧн андел нюжӧдіс бедьсӧ, мый вӧлі киас, да бедь йывнас инмӧдчис яйӧ да шомтӧм няньӧ. Сэки изйысь ыпнитіс би да ньылыштіс яйсӧ няньыскӧд. Та бӧрын Господьлӧн андел муніс Гедеон дінысь.

Исай 39:8

Езекей мӧвпыштіс: «Сідзкӧ, менам олан кадӧ тані лоӧ лӧньлун да бур олӧм». Та вӧсна сійӧ шуис Исайлы: «Господьлӧн кывйыс, мый ӧні висьталін меным – бур».

Ӧксыяслӧн 2 небӧг 14:19

«Эз-ӧ Йоав мӧдӧд тэнӧ?» – юаліс ӧксы. Ань вочавидзис: «Ӧксыӧй-ыджыдӧй, тэ водзын кыв сетӧмӧн шуа: тайӧ тадз. Тэнад Йоав кесйӧгыд тшӧктіс меным висьтавны ставсӧ тайӧс.

Олӧм 4:26

Сифлӧн чужис пи. Сиф пуктіс сылы Енос ним. Тайӧ кадсянь кутісны шыасьны Ен дінӧ Господь нимӧн.

Ӧксыяслӧн 3 небӧг 18:23

Вайӧдӧй миянлы кык ӧшкӧс. Вааллӧн пророкъяс мед бӧръясны ӧтисӧ, начкасны-кераласны сійӧс да пуктасны пес вылӧ, но бисӧ мед оз ӧзтыны. Мӧд ӧшсӧ начка ме, тшӧтш пукта пес вылӧ, но бисӧ ог ӧзты».

Ӧксыяслӧн 3 небӧг 18:25

Илля шуис Вааллӧн пророкъяслы: «Ті унджыкӧнӧсь, та вӧсна медводз ті бӧрйӧй ӧшсӧ да начкӧй сійӧс. Сэсся шыасьӧй асланыд ен дінӧ, но бисӧ энӧ ӧзтӧй».

Ӧксыяслӧн 3 небӧг 18:39

Кор йӧзыс аддзисны тайӧс, кымынь уськӧдчисны муас да шуисны: «Господь эм Ен! Господь эм Ен!»

Еремей 27:18

Найӧ кӧ пророкъяс, налӧн кӧ эм Господьсянь кыв, сідзкӧ, найӧ мед кевмӧны Господь Саваофлы, медым дозмук-кӧлуйсӧ, мый эм на Господьлӧн крамын, иудаса ӧксылӧн керкаын да Ерусалимын, эз нуны Вавилонӧ.

Ӧксыяслӧн 3 небӧг 2:38

Шимей вочавидзис ӧксылы: «Бур, ӧксыӧй-ыджыдӧй. Кыдзи тшӧктан, сідзи ме, тэнад кесйӧгыд, и вӧча». Дыр кад чӧж Шимей оліс Ерусалимын.