Ӧксыяслӧн 3 небӧг 16:24 - Коми Библия 2023

²⁴ Кык эзысь талантысь Омри ньӧбис Шемерлысь Семерон керӧс да лэптіс сэні кар. Нимсӧ карыслы сетіс Самария, керӧс вузалысьлӧн ним серти.

Ӧксыяслӧн 3 небӧг 16:24 Referans Kwoze

Ӧксыяслӧн 3 небӧг 13:32

Инас ставыс, мый Господьлӧн тшӧктӧм серти сійӧ шуис Вефильӧ сувтӧдӧм висьпуктанін йылысь да самарияса вись ваян мылькъяс вылын сулалысь юрбитанінъяс йылысь».

Ӧксыяслӧн 4 небӧг 17:24

Самарияса каръясӧ ассурса ӧксы вайӧдіс Вавилонысь, Кутаысь, Авваысь, Хаматысь да Сепарваимысь олысьясӧс. Найӧ босьтісны аслыныс Самария му да овмӧдчисны сэтчӧс каръясӧ израильсаяс пыдди.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 17:1

Иудаса Ахаз ӧксылӧн дас кыкӧд веськӧдлан воӧ Израиль муын ӧксыӧ пуксис Элайлӧн Осий пиыс. Ӧкмыс во чӧж сійӧ юраліс Самария карын.

Ӧксыяслӧн 3 небӧг 22:37

Тадзи куліс израильса ӧксы. Сылысь шойсӧ вайисны Самария карӧ да дзебисны сэні.

Ӧксыяслӧн 3 небӧг 20:1

Арамейяслӧн Бен-Хадад ӧксы чукӧртіс ассьыс тышкайӧзсӧ. Сыкӧд тшӧтш тышӧ петісны сылӧн киподувса комын кык ӧксы асланыс вӧвъясӧн да тарантасъясӧн. Бен-Хадад уськӧдчис Самария кар вылӧ да кытшаліс сійӧс.

Ӧксыяслӧн 3 небӧг 18:2

Илля муніс Ахав дінӧ. Самарияын сэки йӧзыс зэв ёна тшыгъялісны.

Ӧксыяслӧн 3 небӧг 16:32

Сійӧ лэптіс Самария карын Вааллы юрбитанін да сувтӧдіс сэтчӧ висьпуктанін.

Ӧксыяслӧн 4 небӧг 10:1

Самария карын оліс Ахавлӧн сизимдас пи. Еху ыстіс гижӧд Самария карӧ изреельса веськӧдлысьяслы, юрнуӧдысьяслы да Ахавлысь пиянсӧ видзысьяслы. Сійӧ гижис:

Ӧксыяслӧн 4 небӧг 15:13

Иудаса Озей ӧксылӧн комын ӧкмысӧд веськӧдлан воӧ Израиль муын ӧксыӧ пуксис Явислӧн Шаллум пиыс. Ӧти тӧлысь чӧж сійӧ юраліс Самария карын.

Еремей 41:5

Миспаӧ локтісны Сикемысь, Силомысь да Самарияысь кӧкъямысдас морт. Найӧ вӧліны бритӧм тошкаӧсь да косявлӧм паськӧмаӧсь, вир-яйнысӧ вӧлі вундалӧмаӧсь пуртӧн. Найӧ вайисны аскӧдныс Господьлӧн крамӧ вись пыдди нянь да чӧскыд ӧвтанторъяс.

Амос 6:1

Курыд шог тіянлы, войтыр пӧвстысь медтӧдчанаяслы, кодъяс вылӧ став Израиль лача кутӧ. Ті тӧждысьтӧг оланныд Сионын да Самария керӧс вылын.

Микей 1:5

Яковлӧн лёкас вӧйӧм вӧсна, Израиль войтырлӧн мыж вӧсна ставыс тайӧ лоӧ. Коді мыжа Яковлӧн лёк вӧчӧмысь? Абу-ӧ Самария? Коді мыжа, мый Иуда муын кыптісны вись ваян мылькъяс? Абу-ӧ Ерусалим?