Ӧксыяслӧн 3 небӧг 14:10 - Коми Библия 2023

¹⁰ Та вӧсна Ме ыста ыджыд шог Еровам рӧд вылӧ. Ме бырӧда сылысь рӧдсӧ Израильысь, бырӧда став айуловсӧ ичӧтсянь ыджыдӧдз. Куйӧдӧс моз Ме шыбита сылысь рӧдсӧ.

Ӧксыяслӧн 3 небӧг 14:10 Referans Kwoze

Ӧксыяслӧн 4 небӧг 14:26

Господь аддзис, кутшӧма сьӧкыдалӧ Израиль войтыр – ичӧтсянь ыджыдӧдз некод эз коль, медым отсавны Израильлы.

Ӧксыяслӧн 3 небӧг 21:21

Господь тадзи висьталӧ: ”Ме ыста тэ вылӧ ыджыд шог. Ме вужнас нетшышта тэнӧ да бырӧда Израильысь тэсянь чужысь став айуловсӧ ичӧтсянь ыджыдӧдз.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Малакий 2:3

Тіян кесъялӧмлы Ме пукта пом, гажӧдчан лунӧ ваян висьныдлысь сітсӧ Ме шыблала чужӧманыд, сэсся тіянӧс сітыскӧд шыбитасны ортсӧ.

Софоний 1:17

Ме дзескӧда йӧзсӧ, найӧ кутасны шӧйтны-ветлыны синтӧм моз, ӧд найӧ мыж вӧчисны Господьлы паныд. Налысь вирсӧ кояласны пӧимӧс моз, налысь вир-яйсӧ разӧдасны куйӧдӧс моз.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Езекиль 26:4

Тир карлысь стенсӧ жугласны, башняяссӧ кисьтасны. Ме чышка сэтысь весиг мусӧ, кольӧ сӧмын изкырта

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Исай 14:23

Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.

Исай 14:19

Сӧмын тэ колин гуавтӧг, тэнӧ шыбитісны ковтӧм увйӧс моз. Тэ куйлан виӧмаяс пӧвстын, шыпуртӧн бытшкӧмаяс пӧвстын, тэнӧ шыбитӧма косьмӧм вайӧртӧдӧ, тэнсьыд шойтӧ талялӧны.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Псалтыр 83:10

Енмӧй, миянӧс Дорйысьӧй, видзӧдлы Аслад Мавтыштӧмаыд вылӧ.

Иов 20:7

аслас сіт-куйӧд моз сійӧ бырас пыр кежлӧ, сійӧс тӧдлысьяс пондасны юасьны, кӧні сійӧ.

Ӧксыяслӧн 4 небӧг 21:13

Ме муртала Ерусалимлы мыждӧмсӧ сідзи жӧ, кыдзи мурталі Самария карлы. Ме весита Ерусалимӧс сійӧ жӧ вескинас, мыйӧн веситі Ахавлысь рӧдсӧ. Кыдзи тасьті чышкалӧны да кымыньтӧны, тадзи вӧча тшӧтш Ерусалимкӧд.

Ӧксыяслӧн 4 небӧг 9:37

Сылӧн шойыс разалас изреельса видз-му вылын куйӧд моз. И некод оз вермы шуны, мый тайӧ Езавельлӧн шойыс”».

Ӧксыяслӧн 3 небӧг 16:11

Ӧксыӧ пуксьӧм бӧрын Зимри бырӧдіс Вааслысь гортсаяссӧ. Вааслӧн рӧдысь да ёртъяс пӧвстысь весиг ӧти айуловӧс эз коль ловйӧн.

Ӧксыяслӧн 1 небӧг 25:34

Ловъя Господь, Израильлӧн Ен, водзын шуа: тэ кӧ эн тэрмась да эн кӧ лок меным воча, ме эськӧ асылӧдзыс вии Навал керкаысь став айуловсӧ. Господь видзис менӧ тэныд лёксӧ вӧчӧмысь».

Ӧксыяслӧн 1 небӧг 25:22

Енмыс мед ёна мыждас менӧ, ме кӧ асылӧдзыс ог бырӧд Навал керкаысь став айуловсӧ».

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.

Ӧксыяслӧн 3 небӧг 13:34

Тайӧ мыжыс вӧсна Еровамлысь рӧдсӧ вӧлі бырӧдӧма му вывсьыс.

Ӧксыяслӧн 3 небӧг 16:3

Таысь Ме бырӧда Ваасӧс да сылысь рӧдсӧ. Ме вӧча сылӧн рӧдкӧд сійӧ жӧ, мый вӧчи Неват Еровамлӧн рӧдкӧд.

Еремей 32:18

Сюрсъяслы Тэ петкӧдлан Ассьыд буралӧмтӧ, а батьяслӧн лёк вӧчӧмысь Тэ мынтысян налӧн ныв-пилы. Тэ – ыджыд да вына Ен, Тэнад нимыд – Господь Саваоф.